+47 75 77 51 00 
Tiebmáiehket - Dålusj Divtasvuona girkkohærrá Olaf Holma birra, - lej gus rasissta?
“Den nu paagaaende Civilisationsbestræbelse lige overfor Lapperne tro jeg vil bringe mange Skuffelser. Den er næppe skikke til at staa paa et Skibsdæk eller foran en Forretningspult, i hvem Nomaden stikker frem hvert Øieblik.”
Dát sitáhtta le girjes Nordlandsk Prestegaard mav Olaf Holm tjálij soames jagijt maŋŋela gå Divtasvuonas jådij.
Olaf Holm lej girkkohærrá Divtasvuonan 1800-lågo låhpan. Girjen ”En nordlandsk prestegaard ” ja moatten ietjá tjállusijn tjállám le Divtasvuonagij viessomdilij birra. Muhtem tjállusa sámij birra le ållu sælldásit tjáledum, sierraláhkáj gå diehtep sån lij mijá girkkohærrá. Tjállusin "Kvinnelige Missions Arbeidere" 1907 jages 16. bielen tjállá náv:
"..... Jeg tror, Lappen er omtrent uimodtagelig for det, vi kalder høiere Kultur, altsaa den Kultur, hvorpaa vi nu lever. Han har, saavidt jeg kan skjønne, ikke Betingelser for at danne ordnet Samfundsliv for Flid, Regelbundethed, og en vis Disciplin i alle forholde, som tilhører alt høiere Samfundsliv.”
- Guhtimusj lij Olaf Holm? Tjálij gus ienebuv? Lej gus rasissta? Gåktu galggap dálásj ájge suv dádjadit?
Dá gatjálvisá li guovdátjin ságastallamijda Árrana tiebmáiehkedin dijstagá bårggemáno 31. biejve.
Bájkálasjhiståvrråtjálle Nils Kristian Sørensen Gásluovtas ja åsskodiedagis Roald Kristiansen Tråmså universitehtas álgadibá goabbák lågådallamijn.
Nils Kristian Sørensen Gásluovtas: Olaf Holm girkkohærrá ja rasissta?
Roald Kristiansen: Olaf Holm girkkohærrán ja Divtasvuona bájkálasjsebrudagá gehtjadallen
Buorisboahtem tiebmáiehkedij!
