Duodjesuorgge 1-2 jage

Duodjeåhpadusá ulmme la juohkka oahppe duodjemáhtov åvdedit. Vuostasj jage vuodojt oahppá, nuppe jage tjiegŋalup åhpadusáv oadtju. Guosseåhpadiddje åhpat bájnov/hámev, silbba-, smirjjim-, girjjam- ja dájvveduojev ja nåv vil.

Oase
• Sassne/Tekstijlla
• Muorra/Tjoarvve

Kursa sisadno
• Duodje
• Dávverdiehto
• Bájnno ja Hábme
• Terminologiddja
• Temávahko tjiegŋalup åhpajn dájvve-, silbba-, nuvtak-, tjátjek-, girjjam- ja smirjjimduojen.
• Sámegiella
• Sáme Histåvrrå ja Kultuvrra 
(vuostasj (1) jage)
• Ekonomiddja 
(nuppát (2) jage)

Rávkalvisá álggemij

Binnemusát 18 jage viertti årrot. Rávkalvissan åhpadussaj la vuodoåhpadus jali diedo duoje birra sámeskåvlås, sáme avtastahtedum åhpadusás jali dan lágásj åhpadusás, jali aj diedo ja dåbdo duoje birra. Saje suorgen Sassne/Tekstijlla: 16-20, Muorra/Tjoarvve: 10.

Kurssagålo

Lågå sválldasav ”Skåvlå birra – Låhkåt mijá lunna” Oahppe iesj máksá oahppamgirjij, oahppamnävoj ja duodjeábnnasij åvdås.

Åtsålvis
Åtså maŋemusát moarmesmáno 15 biejve!
Åtså värmmádagá baktu!