Skåvllåábnas mij nanni máhttudagáv sámij birra.

Gåvån ”Sidák sámegielav oahppat?” máhttá oahppe muhtem bágojt ja moallánagájt sábmáj oahppat buojkulvissan ”Buoris!”.
40 barggogåvå tsahkkis bájnoj ja geldulasj hámijn galggi oahppijt miellodit ienebuv oahppat sámij histårjå, jáhkkudagá, sebrudagá, giela ja kultuvra birra.
Gåvå li oahppijda jahkekursan 6-9, ja vuohke sámij birra oahppat.
Sámij åhpadusguovdásj la prosjäktaniehkke. Ednambarggodepartementa diededimdahkamus ja EU:a Ulmme 1 la prosjevtav biednigahttám.
Prosjäktalájddistiddje Per Stefan Labba la dudálasj vuostasj skåvllåábnnasa åvdås sámij birra mav sáme ietja li dahkam. Le ábnas massta ávvus, sihtá duohtadit ja ienebuv diehtet. Per Stefan doajvvu åhpadiddje adnegåhti ábnnasav ietjasa åhpadusán.
Åhpadiddjemässon Skolforum Stockhålman vuosedij lådav sámij birra. Per Stefan giehttu ålos gehtjadin lådav ja ávvusin gå ábnas sámij birra gávnnu.
Monika Blind Tuoremaa la tjálle, Ulrika Tapio Blind la hábbmim ja gåvåjt bájnnim.
Prosjäktaniehkke Sámij åhpadusguovdásj, Jåhkåmåhkke
Jus sidá ienep diedojt ábnnasa birra de aktavuodav válde prosjäktalájddistiddjijn Per Stefan Labba
Ábnas máksá 400 kr frákta duodden.
Rávvi Sámij åhpadusguovdátjis Jåhkåmåhken.
Jus sidá rávvit de aktavuodav mijájn válde: 0971-44008 jali info(a)samernas.se