Samij Åhpadusguovdásj

Sisadno
Skåvlå birra

Histårjjå
Vuododus ja Ekonomiddja
Skåvlå dahkamuhá ja ulmme

Lanjá
Stivrrabagádus
Kvalitähttapolicy
Biráspolicy
Buohtaárvvopolicy
Hiehteplána

Skåvllå

Sámij åhpadusguovdásj la sáme åhpadusinstitusjåvnnå juo åvdutjis. Álgos 1942 la skåvllå dallusj namájn, Sámij Álmmukallaskåvllå, åhpadusáv sáme álmmugij vaddám. Skåvllå la ájnas sáme sebrudahkaj årrum.

Vuododus Sámij åhpadusguovdásj ja ekonomiddja


Sámij åhpadusguovdásj la sáme åhpadusinstitusjåvnnå, organiseridum vuododussan. Svieriga Sámij Rijkkalihtto (SSR), Sáme Ätnam ja Jåhkåmåhke kommuvnna li vuododusáv biejadam. Vuododusá njuolgadusá dåjmav stivrriji.

Skåvlån la sierra årnik ja stáhtadårja mij njuolgga skåvllåj manná. Sámij åhpadusguovdátjij ij rávkalvis gullu almulasj suorgev adnet degu ietjá álmmukallaskåvlå. Ietjá biednikvadde skåvllåj li Jåhkåmåhke komuvnna ja Lánndadigge Norrbottenin. Ietjá boado li prosjäktadoarjjaga, girjjevuobddema, lájggoboado ja nåv. Vuobddemárvvo l bájken 12 500 000 kr/jahkáj.

Skåvlå gåhttjom ja ulmme

Mijá gájkbadjásasj ulmme la buoremusát sámij åvdås barggat ja mijá gåhttjom la sámij åhpadusáv åvdedit.

Sámij åhpadusguovdátjin la guovtegärddásasj ulmme. Galggá ájnegis sámijda åhpadusáv hiebadum dárbojda ja sávvamijda vaddet, ja dasi duodden vásstedit almulasj kurssadåjma åvdås, ja aktisasjvuoda baktu álmmukorganisasjåvnåj ja ietjá institusjåvnåj diedojt sámij birra álmmugij vaddet.

Lanjá

Skåvlån li ådåájggásasj lanjá ja barggamsaje. Skåvlån la aj bårråmsadje tjiegajn, ja oahppij viesso oahppijda ja guosseåhpadiddjijda. Oahppij viesso l ådåstuhtedum jagen 2004. Gehtja gåvåjt viesojs sválldasin ”bájkke” skåvlå álggobielen.

Stivrrabagádus

Skåvllå la tjoahkkim gájkka ássjepáhppárijt sadjáj mav gåhttju stivrrabagádussan. Da li njuolgadusá, policy ja ájggomusá gájkka skåvlå dåjmajda. Skåvlå stivrrabagádussaj gulluji tjuovvo:

• Äjgádij åvdåsvásstádus
• Stivra barggoháme
• Rektåvrå barggovuoge
• Njuolgadusá åhpadiddjerádijda ja barggij tjåhkanimijda
• Virggetsuojggoma
• Duodastusbagádus
• Barggij njuolgadusá
• Oahppijráde njuolgadusá, ja oahppij njuolgadusá
• Bálkkápolicy
• Åhpadiddjij barggoájggesåbadus
• 3-jahkásasj doajmmapládna
• Buohtaárvvopládna
• Kvalitähttapolicy
• Biráspolicy
• Barggobirásbargo pládna

Stivrrabagádus galggá årrot viesso tjála mij ådåstuvvá jahkásattjat. Stivrra l barggamin

Kvalitähttapolicy

Sámij åhpadusguovdásj galggá doajmme kvalitähttabargov jådedit dán milta

• adnet nanos värmmádagájt sámij sebrudagájn ja åhpadusdárbojn
• adnet tjielgga ja dálásj ulmijt doajmmaj, åhpadussuorgijda ja kursajda
• vaddet oahppijda buorre diedojt åvddåla ja åhpadime álgon
• adnet doajmmaplánajt ja policyjt
• adnet doajmme oahppefámov ja doajmme oahppijrádev
• adnet buorre åhpadiddjemáhtov
• adnet buorre oahppambirrasav buorre oahppamnävoj
• buorre oahppeduosstom/dåjmadahka ja barggobirás barggijda ja oahppijda
• fállat riekta åhpadusájt
• adnet buorre vuogijt tjuovvusijda ja biedjamdagojda
• tjállet jahkásasj kvalitähttatjielggimav stivra tjåhkanibmáj biehtsemánon

Gehtja Kvalitähttapolisav (policy)(pdf-format)

Biráspolicy

Mijá biráspolisy ájggom la binnedit birásvahágijt. Sáme institusjåvnnån li miján dålusj dábe sujttit luondov ja birrasav. Sámij åhpadusguovdásj galggá birásbargo åvddågietjen årrot ja barggat nanos åvddånime åvdås.

Gehtja Biráspolisav (policy) (pdf-hábme)

Buohtaárvvopládna

Sámij åhpadusguovdátja ulmme buohtaárvvobargujn la vaj ij aktak unnedibme sjiervvegullumijn vuodon jali etnalasj vuodon galga gávnnut.

Gehtja Buohtaárvvoplánav (pdf-hábme)

Hiehteplána

Sámij Åhpadusguovdátja hiehtepládnaj gulluji rijdo, hárddem, jábmema/soaggoma ja sälggaadnem.

Gehtja Hiehteplánajt (pdf-hábme)