Mijjen ööhpehtämman Duodji/Duodje/Vätnoe, skåerrie jïh tekstijlen suerkie ohtsedibie

Vätnoelohkehtäjja-/slöjdlärare 100 %

Mejnie barkedh

Lohkehtäjjine dïedtem åtnah vätnoeööhpehtämman skåerrie/tekstijle åarjelsaemien suerkie. Dïedtem åtnah pedagogijkeles barkose, kvaliteetese jïh ekonomijese dej nännoestamme kuvsjesoejkesji jïh ekonomijeles mieriej sisnie, mejtie leah dïenesjetjaalegisnie nännoestamme. Datne edtjh jeatjaj lohkehtäjjaj ektesne barkedh, dovne skåerrie/tekstijle julev jïh noerhtesaemien suerkine bene aaj lohkehtäjjine (lohkehtäjjajgujmie) garrevätnoeööhpehtimmesne. 

Dov bïjre

Dov leah daajroeh jïh maahtoeh tradisjonelle duodji/duodje/vätnoen bïjre jïh Datne daajrah guktie dam learoehkidie ööhpehtidh. Dov lea pedagogijkeles ööhpehtimmie jallh jeatja seammaligke maahtoe. Dov lea maahtoe jïh dååjrehtse saemien siebriedahken jïh kultuvren bïjre. Maahtoe saemien gïelesne (åarjelsaemien), dovne njaalmeldh jïh tjaaleldh, lea vihkeles jïh meritem vadta. 

Vielie

Vätnoelohkehtäjjabarkoe lea dïenesje mij 100 %. Individuelle baalhka mij kompetensen dåerede. Barkoe aalka mïetsken asken skuvlejaapan 2014/15.

Barkoe (vätnoelohkehtäjja åarjelsaemien suerkie) jaepiem ryöhkoe skuvlejaepien 2014/15, jïh männgan nuepie dam jåerhkedh. 

Bïevnesh barkoen bïjre åadtjoeh vik. rektovreste Per Stefan Labba, tfn: +46971 44 002, epåaste: rektor@samernas.se

Facklige saadth-almetje  Margot Blind, lohkehtäjjaj saadth-almetje, tfn: +46971 44 022.

Dov ohtsemetjaalegh jïh baalhkakrïebpesjem tjoerh seedtedh guktie skuvle dejtie åtna minngemes 16:b suehpeden asken 2014. Tjaelieh ”Vätnoelohkehtäjja (lärare i Vätnoe)” dïsse.

Seedth diekie: Sámij åhpadusguovdásj, Borgargatan 2, S-962 31 JÅHKÅMÅHKKE, jallh

epåaste: rektor@samernas.se