Mij la bi, hetero ja homo?

Gávnnuji gålmmå seksuálak tjerda: biseksuálakvuoda, heteroseksuálakvuoda ja homoseksuálakvuoda. Álu ber javllá ulmusj la homo, hetero jali bi.

  • Biseksuálakvuohta l gå gierru ja seksuálalattjat lijkku niejdajda ja bárnijda.
  • Heteroseksuálakvuohta l gå gierru jali seksuálalattjat lijkku ulmutjij ietjá sjiervijn. Ietjá báhko dasi l straight.
  • Homoseksuálakvuohta l gå gierru jali seksuálattjat lijkku ulmutjij sämmi sjiervijn. Ietjá báhko dasi l gay. Niejda gudi lijkkuji niejdajda máhtti ietjasa gåhtjudallat lesbagin jali flator. Bárne gudi lijkkuji ietjá bárnijda máhtti ietjasa gåhtjudallat bögar.

Le dábálasj ulmusj ájádallá ietjas seksuálak tjerda birra

Le dábálasj ájádallá ietjas seksuálak tjerda birra. Ulmutja seksuálak tjerda máhttá ájge milta rievddat. 

Iesj mierret jus sihtá ietjas gåhtjudallat bi, hetero jali homo. Máhttá aj válljit javllat sujna ij la sierra seksuálak tjärdda.

Vuorddaga birrasis

Birás álu vuorddá ulmusj la heteroseksuálak. Jus ij la de máhttá ulmusj ietjas dåbddåt ietjálágátjin, vuojnodibme jali ålggolin.

Giehttot ietjas seksuálak tjerda birra

Juska vil makkir seksuálak tjärdda l ulmutjin de iesj agev mierret jus ja goassa sihtá dav iehtjádijda giehttot.

Jus la heteroseksuálak de álu ij dárbaha giehttot dav danen gå moaddi l vuordedahtte.

Jus la homoseksuálak jali biseksuálak, de máhttá muhttijn dåbddåt vaj sihtá jali dárbaj dav giehttot.

Seksuálak tjerdan ij gullu ulmutja vuohkáj jali nähkuj 

Muhttijn márjju muhtema jáhkki ulmusj la sierralágásj seksuálak tjerda diehtiv. Ulmusj galggá lijkkut sierra vidjurijda, vuojnnut sierraláhkáj jali sujna li sierra miellogisvuoda.

Valla vuoge, gåktu ulmusj vuojnnu, miellogisvuoda, jali gåktu vállji ietjas viessoma viessot, ij gullu ulmutja seksuálak tjärddaj.

Lágadis la nuppástit seksuálak tjerda diehti.

Juska vil makkir seksuálak tjärdda ulmutjin de l sujna riektá viessot ietjas viessomav gåktu sihtá.

Nuppástit soabmásav seksuálak tjerda diehti l lágadis.

Jus ulmusj boadadallá vierredahkuj ietjas seksuálak tjerda diehti de l sierralágásj alvos vierredahko jali vassjevierredahko.