1. SÁGÁJDAHTTEMIN
· Vuorde barggovaddes li guovte gitta vihttasa rádjaj ságájdahttemin. Gájkajt lanján giedajn buorástahte. Gehtja gájkajt tjalmijda gå buorástahtá.
· Árvvedahtte dån le balon, valla gudi bievde nuppe bielen tjåhkkåhi li iemelágásj ulmutja. Ájnas le sidjij diededim bargov ”vuobddet” degu dunji le ájnas ietjat máhttudagájt barggen ”vuobddet”.
Buorre diedo: Tjåhkudalá – åro ietjat láhkáj – måreda!
2. IEMELÁGÁSJ GATJÁLVISÁJT MAJT MÁHTÁ OADTJOT
· Manen bargov åtså?
· Manen duv galggap bálkkit?
· Gåktu lulu duv barggovádde/åhpadiddje/duv barggorádna duv gåvvit?
· Ma li duv buorre biele/nievres biele?
· Gåktu diertjestimev/lájtov/mierredimájgijt gierda?
· Majt vidá jage duogen dagá?
· Goassa máhtá álgget?
· Majt bálkkán vuordá?
· Majt ásstoájgen dagá?
· Giehto majt maŋemus jagijt le dahkam.
Ájádalá: Buorre biele, nievres biele, makkir ulmusj/bargge le dån, ájggomusá ja åtsåda åvddåla mij le bargguj vuogas bálkká. (Sáhkada iehtjádij sämmilágásj bargon jali ihkap fágasiebrijn).
3. MAJT VIERTTI VÁSSTEDIT?
· Åvdemusát; åro ietjatláhkáj ja váges.
· Gulldala ja ájádalá gatjálvisájt åvddål gå vássteda.
· Ale nievret åvdep barggovaddij/barggorádnaj jali bargosaje birra sáhkada.
· Ij dárbaha gatjálvisájt vásstedit jus ájgo iesselissan sjaddat, makkir jáhkkudahka, jali makkir seksuálalasj vuohke dujna le. Dákkár gatjálvisá e ságájdáhttemin hieba.
Dát le ságájdahttem, ij le gatjádibme. Ij dárbaha dåbdåstit lågejagágin dujna lij dáhpe gárudijt nisskot – jus ij ságájdahtte sierraláhkáj dan birra gatjáda.
4. MAN BIRRA GALGA GATJÁDIT?
· Makkár le barggobiros?
· Galles barggi åssudagán gånnå bargov åtsåv?
· Le gus diján sisŋásjåhpadus?
· Álmmudusán tjuottjoj ”muhtem mano vierttiji märostuvvat”. Majt dat javllá práktihkalattjat?
· Máhttebihtit gus munji binnáv doajmmaháme birra giehttot?
· Goassa mierredihpit gut bálggiduvvá?
Pláni: Gatjálvisájs majt le ájádallam åvddåla moatte li álu ságájdahttemin vássteduvvam- danen ájádalá moadda ietjá gatjálvisájt.
BUORRE DIEDO GESI GALGGÁ BARGGOSÁGÁJDAHTTEMIJ
Ságájdahttema åvddåla
· Ájádalá nåv ålov majt máhtá åtsådum bargo birra ja viddnudagá mij galggá bálkkit. Ságájdahttemij boahtet gárvedum vuoset dån le bargguj oalle mielos.
· Tjále listav mij vuoset duv sierralágásj tjähppudagáv bargguj. Ájádalá duv ietjat buorre ja nievres bielij birra.
Boahtem
· Viertti diedon rájnas ja snivva årrot.
· Gárvvuna åhtsåm bargo milta. Jus bargov åtså bivtasboargálin, máhtá ietjáláhkáj gárvvunit gå jus bargov advokahttakåntåvrån åtså. Vállji biktasijt maj soabtso.
· Sulásta nuoges ájgev ságájdallamij jåvsådit - ja diededa ietjat mierredum ájge åvddålattjan resepsjåvnån.
Jur åvddåla
· Sieddoda ietjat nágin minuhta.
· Maná hivsigin - jasskavuoda diehti. Jus ij ietján gå muodov ja ihkap sminkav gehtjastittjat.
· Barggovadden le dunji vuodon positijvalasj miella. Dån ham sjaddi ságájdahttemij válljidum!
Ságájdahttema maŋŋel
· Ájádalá gåktu ságájdahttem manáj. Majna le dudálasj, majt máhtá buoredit jus vaden ietjá ságájdahttemij gåhtjoduvá?
· Gárveda ietjat jus nubbeságájdahttemij gåhtjoduvá.