1. ÁLGE JUO DÁLLA ÅHTSÅGOAHTET
2. ALE VUORDE DESIK BARGOJT ALMODI
Vuogas la åhtsåmusáv sáddit åvddåla bargojt almodáhtji. Jus vuordá, de vuojn ienep åhtsse le. Duodden le dábálasj ulmutjav sádjásasj virgijda biedjat vani almodime. Lågå val gájkka almodimijt avijsajn juohkka biejve. Rinngu nav ruvva gå máhttelis gå vuojná giessebargov majt sidá.
3. GATJÁDALÁ OAHPPÁSIJS
•Gatjádalá gájkajs gev dåbdå jus diehti gånnå barggijt dárbahi.
•Rinngu ietjat sijddasuohkanij ja guoradalá jus gávnnuji siera giessebargo nuorajda.
•Tjále Cvav ja åhtsåmusáv. Válde val kopijajt fáron dåhku gåsi ájádalá barggagoahtet. Vatte dajt sunji guhti le barggij vásstádusulmusj. Gå vuojn la guodám CVav ja/jali åhtsåmusáv, de le barggovaddáj duv mujttet gå barggo ihtá. Lehku då iesjrádálattjan – ale val rája páhpparijt iehtjadij maŋen. Guossida iesj barggosajijt, nav vuojn dujsta buorre gåvåv oadtju.
4. ÅHTSÅ DÁHTÁBÁSAJN INTERNEHTAN
Duola dagu dáj linkaj baktu:
NAV
FINN
MONSTER
5. MAKKÁR BARGOJDA MÁHTÁ ÅHTSÅT?
Ij la vuojn agev álgge diehtet makkár bargojda máhtá åhtsåt. Gávnnuji vuojn tjielgga njuolgadusá duosi man vuoras berus liehket. Dá njuolgadusá li duv hárráj:
13 jagágijda: Gå la 13 jage dævddám, máhtá giehppis bargov oadtjot, duola dagu buodán jali ednammuorjjetjoaggen.
15 jagágijda:Jus la badjel 15 jagák máhtá bargojt oadtjot ma e vahágahte varresvuodat ja ietjat åvddånimev. Duola dagu oassásin jali kåntåvrråbargov oattjo.
18 jagágijda:Gå la dæddám 18 jage de oattjo vuobddet vuollagav jali vijnav ja oattjo válldet akta makkár bargov, valla hæhttu liehket 20 jagák jus galga loabev oadtjot vuobdadit jali guossidit buollevijnajn.
(Gálldo: Sommerpatruljen, LO)
6. Mujttu då
Na jus de oattjo fálaldagáv lassebargguj. Na majt de?
Mujttu då oadtjot tjálalasj barggosjiehtadusáv, gånnå barggoájgge, bálkká ja loahpeájggesjiehtadallama tjuodtju. Dujna le vuojn rievtesvuohta giesseloabev niektit – ja jus le organiseridum, gájbbeda val lassebálkáv jus ienebuv gå 37,5 tijma vahkkuj barga. Jus ij la organiseridum de le dujna 40 tijmasasj vahkko.
Jus i oattjo bálkkádárkestusájt, de gájbbeda. Dunji le vuojn dát duodastussan jus la værov máksám, ja aj allasit dárkestussan jus la oadtjum gájkka tijmajs mávsov.