Luojvojbarggo ja sierra barggo ålggorijkajn

Sidá gus barggat buorre ássje diehti, duon diehti buoredit dilev væráldin, ja danga buohta allasit rahtjat åtsådallamijt? Gávnnuji moadda organisásjåvnå maj tjadá nuora gudi sihti viehkkebargov ja ålggorijkkaårromav tjadádit. Ihkap vil viertti mákset binnáv maŋen liehket, ihkap barga biebmo ja årroma åvdås.

Dav majt lip gåhttjum “sierra barggo ålggorijkajn” le organiseriduvvam årrom/målssobarggen hæjos rijkajn. Organisásjåvnå ma dakkár bargov tjadádi le álu dakkára ma e rat barga dan diehti vaj galggi njuolgga rudáv tjijnnit. Dakkár bargon le solidárihtehtta ájnas, guovdásj ulmme sijájn le åmastit diedojt dákkár sebrudagájs, kultuvrajs ja dajs dilij birra maj sinna ulmutja viessu. Álu le nav vaj oattjo giellakursav gå dákkár bargguj vuolgá. Luojvojbarggo le oassen dákkár bargojn.

Dábálattjajt le fálaldagájs galla goappátjagá bargoj hárráj, na le de gávnnat juojddáv mij jur dunji hiehpá. Lehku då buorremielak dárkestiddje gå åtså organisásjåvnåv. Gatjáda duodastusájt ja gulá ulmutjijs gudi li organisásjåvnån åvdutjis læhkám, dan diehti vaj diedá dát la duodas ja mij dunji hiehpá.

Dáj linkaj baktu gávna muhtem vuonarijkak organisásjåvnåjt:

American Field Service (AFS)
E-mejlla: info@afs.no
Dákkár fálaldahka le dunji guhti le 18 jagák gitta 30 jagágij, guhti sidá årrot ja barggat sulá jahkebielev avtan dájs AFS aktisasjbarggorijkajn: Bolivia, Brasil, en Dominikanske Republikk, Ecuador, Honduras, Panama ja Oarjje-Afrika. Dábálasj la årrot avta fámilja lunna ja luojvojbarggat avta organisásjåvnån.

Atlantis Ungdomsutveksling
E-mejlla: atlantis@atlantis.no
Fálla luojvojbargov moatten prosjevtajn Ghanan, Guatemalan, Thailándan ja arjje-Afrihkán. Dån mávsá iesj biebmov, årromav ja manov.

CISV Norge Internasjonale Barneleire
E-mejlla: norway@cisv.org
Hálijda gus vuolgget leirraj ja dangas iejvvit nuorajt ålles væráldis? CISV le rijkajgasskasasj ráfeoahppam organisásjåvnnå vuododuvvam juohkka værálda åsijn. Organisásjåvnnå barggá ienmusát mánáj ja nuoraj gudi li 11 jahkásattja ja vuorasappo. Siján li mánájleira, målsusimårdniga nuoraj gaskan, giesseleira ja semnárraleira ålles væráldin.

Internasjonal Dugnad (Rijkkagasskasasj navkuk barggo)
E-mejla: info@internasjonaldugnad.org
Dán organisásjåvnån le ækton oadtjot dádjadusáv, ráfev ja solidaritehtav. Máhttelis le sæbrrat 2-3 vahkkusasj giesseleirajda Europan, Asian ja Afrikán, duodden muhtem guhkep barggoårromijda Europan ja USAn. Hæhttu liehket vuorrasabbo gå 16 jage jus galga sæbrrat leirajda Vuonan, ja badjel 18 jage jus galga leirajda Europan ja USAn.

Klosteret Taize
E-mejlla: meetings@taize.fr
Kloster le Lyon’in Frankrijkan. Gájka gudi sihti, máhtti dåhku mannat, valla nuora nuorabu 30 jáhkásattjajs le sierraláhkáj buorisboahtám. Ulmusj máhttá válljit jus sihtá praktihkalasj bargov vaj rámmátåhpav oadtjot avta munkas. Ulmusj ij dárbaha liehket ristagis, valla gájka gudi klosterin årru vierttiji sæbrrat mankaj gålmå ájggeråhkålvisájda juohkka biejve.

Latin-Amerika Gruppene i Norge (LAG)
E-mejlla: info@latin-amerikagruppene.no
LAG doarjju latijnaamerika almmuga rievtesvuodajt násjåvnålasj iesjmierredibmáj ja oajbbomav duollimin sosialalasj sieradusájt, almma demokrátijav åvdås ja økologalasj balansa diehti. Prográmma vihpá badjel jagev, dan båttå galggi sebrulattja barggat Latijna-Amerikin biellevihtta máno. Gå Vuonaj ruopptot båhti, de galga sij diedojt juohket Vuonan dan bájke dile birra gånnå li mannam. Dån viertti liehket 20-jagák ja åvddåmånnen le jus vuodulasj máhtudahka le portugesaraj ja spánska gielas. Åhtsåmmierre le moarmesmáno 15. biejve, ja vuolggem le bårggemánon ja máksá sulá 17.500,- kråvnå.

Palestina-komiteen i Norge
E-mejlla: post@palestinakomiteen.no
Le gus dujna miella barggat palestijnak báhtariddjij Libanonan? Palestijna-juohkusa barggi sosiálalasj bargoj mánájgárdijn ja nuorajklubbajn ja siján le aktisasjbarggo bájkálasj organisásjåvnåj.

Peace Brigades International – Norge
E-mejlla: pbi-norge@studorg.uio.no
Peace Brigades International (PBI) bargg ájnegis ulmutjij ja organisásjåvnåj vuodulasj ulmusjrievtesvuodaj nannima hárráj. PBI sáddiji juohkusijt luojvojbarggijs guovlojda gånnå le rijdo ja politihkalasj vuolusduolmmom. Dáj ájgij le Pbian guhkepájggásasj prosjevta Colombian, Indonesian/Lulle-Timoran ja Mexicon.

Strømmestiftelsen
E-mejlla: stein.hinderaker@stromme.org
Risstalasj viehkkeorganisásjåvnnå gænna le barggijmålssosimprográmma nuorajda 19 jahkágijjs gitta 25 jagágijda Asian, Afrikán ja Oarjje-Amerikin. Dujna viertti liehket binnemusát jahke skåvlås jali barggohárjjánibme maŋŋela joarkkaskåvlå, ja buoragit buktet ieŋils- spánska- jali fránskagielav. Barggogávdda le 6 mános gitta 12 mánnuj. Oahppamgålå, manno ja årrom mávseduvvi sulá 46.500,- kråvnå. Biebbmo ja årrom mávseduvvá. Iehtjanit viertti allasit lijgge ruhta. Åhtsåmmierre le vuoratjismáno 1. biejve.

Ung i Europa v/BUFA
E-mejlla: eurodesk@suak.dep.no
Jus la 15-jagák gitta 25 jahkásasj ja sebrulattjan juohkir klubban, organisásjåvnån jali siebren asstoájgen? Le gus miella vuolgget væráldij 1-3 vahkkuj, máhtá åhtsåt doarjjagav Ung i Europas.

Volontørtjeneste - iesjmielak barggo ålggorijkan (Ung i Europa)
Volontärradievnastus vaddá nuorajda 18- 25 jagij gaskan máhttelisvuodajt iesjmielalattjat ietjá rijkan Europan barggat. Gålo mannuj ja viessomij mávseduvvi.

Publisert av Martin Marstrander. Sist endret 24.07.2013