SÁMIID VALÁŠTALLANLIHTTU- NORGA (SVL-N)/ Sámij válastallamlihtto - Vuodna
SÁMIID VALÁŠTALLANLIHTTU - NORGA (SVL-N)/ Sámij valástallamlihtto - Vuodna Sámij valástallamlihtto – Vuodna (SVL-N) vuododuváj jagen 1990 ja la oasse Sámij Rijkasiebres (Samenes Riksforbund), mij la aktidus sáme valástallamlihttoorganisasjåvnåjs Vuonan, Svierigin ja Suoman. SVL-N:n li 46 ájras siebre gudá fylkajn ja siján la birrusin 2000 ájrrasa.
Ulmme
SVL-N ulmme l sáme mánájt, nuorajt ja ållessjattugijt valástallamijda ja kultuvralasj dåjmajda tjoahkkit. Ulmme l aj åvdedit ja nannit sáme identitehtav, gielav ja kultuvrav.
Valástallam
SVL-N organiseri dájt valástallamåvsijt: Tjuojggam, Tjuojggam/sjuohppim,
miehtseviehkam, sjuohppim ja hierggevuodjem.
Dåjma
SVL-N:n la regionála tjuojggamgilbbusa. Dálátjij li dá ásaduvvam Finnmárkon, Råmsså fylkan ja Nuortta-Norlándan. Bájkálasjsiebre organiseriji giessedåjmajt moatte láhkáj, hárjjidallamtjåhkanimijt jali ietjá gilbbusijt.
Ásadusá
Nuorttarijkalasj sámegilbos (SM)
Jahkásattjat ásaduvvi Nuorttarijkalasj sámegilbbusa (SM) giesse- ja dálvvevalástallamin, jages jahkáj Vuonan, Svierigin ja Suoman.
Arctic Winter Games (AWG)
Duodden la SVL-N oassálasstám AWG:n, mij la ásadus nuorajda 13 ja 19 jagij gasskan. Åvddålij guovlluj galggá sebrulasjvuohta AWG organisa-sjåvnån åttjuduvvat. AWG organisasjåvnnå l vuododuvvam tjoahkkitjit iemeálmmugijt
arktalasj dáfojn dálvvevalástallamijda. AWG ásaduvvá fært nuppe jage, jages jahkáj sebrulasjlándajn (Alaska (USA), Canada, Gárjjel ja Kalaallit Nunaat (Danmárkko)).
Hierggevuodjem
Hierggevuodjemgilbbusa li aktisasjbarggo Suomajn ja Svierigijn. Hierggevuodjem la jahkásasj oahppamav vuododam vuoddjijda, váj ienep vuoddje hierggevuodjemij sæbrri. Hierggevuodjemgilbbusa e ájn Vuonan ásaduvá. Suoman la hierggevuodjem stuor valástallam ja ulmme l Vuonan sæmmi dássáj jåksåt.
Ietjá dåjma
SVL-N aj dåjmat nuorajtjåhkanimijt, giesen 2004 ásaduvvá nuorajtjåhkanibme Snåsan. Sisadno l moattelágásj valástallam ja kultuvralasj dåjma. Ulmme l berustimev sáme valástallamijda buoredit ja værmástagájt dahkat
oarjjelsáme guovlon.
SVL-N nuorajnammadus barggá mánáj ja nuoraj prosjevtaj, buojkulvissan Games of the world, hierggevuodjemkurssa næjtsojda, ruhtadoarjjagij ja nav vijddábut.
Jus dárbaja ienep diedojt: SVL-N
SÁMI SPÁBBACIEKCANLIHTTU (SSL) / Sáme tjiektjamlihtto
Sáme bállotjiektjamlihtto vuododuváj 18. biejve gålgådismánon jagen 2003. SSL la oasse Sáme valástallamlihtos (SVL) ja siján li guok tja-nádum ájrrasa SVL stivran.
Oajvveulmme le vuododit nanos Sáme bállotjiektjamlihtov, mij åvddån buktá riekta ájádusájt valástallama ja háldadusá organiserimij.
Samiske fotballslandslaget.JPG
Oasseulmme:
· Nannit aktisasjdåbdov sámij gasskan.
· Nannit aktisasjvuodav sámij gasskan ålles Sámeednamin.
· Nannit bállotjiektjamvalástallam kvalitehtav sámij gasskan - mánná, nissun
ja ålmmå – sihke bájkálattjat, regionálalattjat ja internas-jåvnålattjat.
· Bállotjiektjama tjadá, Sámeednamav vuojnnon ja dåbddusabbon dahkat, ja
roaddan dahkat ulmutjij gasskan sáme li iemeálmmuga.
Sáme bállotjiektjamlihtto sihtá åvddålij guovlluj váldet åvdåsvásstádusáv sáme bállotjiektjamvalástallamis – regionálalattjat ja internasjåvnålattjat. Regionálalattjat Sáme-cupav ásadit aktan iehtjádij, ja barggat váj ienep ulmutja sæbrri sáme bállotjiektjamvalástallamij. Internasjåvnålattjat, barggat váj Sámeednam oadtju ietjas rijkajuohkusav, sihke nissunijda ja ålmmåjda. Vijddábut; sebrulasjvuodav åttjudit bajemus dásen, FIFA:n ja UEFA:n. Åniájggásattjat; aktisasjbargov vuododit ietjá juohkusij ma e FIFA ja UEFA systeman sebra. SSL la ájras NF-Boarda organisasjåvnån. NF-Boarda koordineri ja systematiseri rijkajuogostjiektjamav daj åvdås gudi alla FIFA ájrrasa.
Jus dárbaja ienep diedojt:
Sámi Spabbáciekcanlihttu / Sáme bállotjiektjamlihtto
Suomaluodda 1
9520 Guovdageaidnu
Telefåvnnå: +(47) 78 48 68 11
GÁVNAS LIŊŊKAT
Arctic Winter Games
N.F.-BOARD