PÁSSA JA VISUM
Åvddål gå vuolgá, gehtja vaj pássa ij la gahttjam, jali ruvva gahttjá. Muhtem rijka rávkki pássa binnemusát 6 máno galggá fámon årrot åvddål rijkaj besa.
Visumav muhtem rijkajda dárbaha, danen gehtja jus rijkan(rijkajn) gåsi galga le/li visumvälggogisvuohta. Ålggorijkadepartementa webbabielijn gehtja de dav gávna. Visumav viertti ájge bále åvddåla åhtsåt, danen gå máhttá ádjánit åvvdål giehtadallá. Mujte visum le gasskabåddåsasj ja bissu vissa ájgev.
VAKSIJNA
Makkir vaksijnajt dárbaha mierreduvvá gåsi ja goassa le manátjit. Bájkálasj varresvuohtastásjåvnnå máhttá viehkedit makkir vaksijnajt viertti válldet. Moadda vaksijnajt galggi váldeduvvat ájge bále åvddåla, gárveda ájge bále. Gå vaksinerida de oattjo vaksijnnakårtåv majt viertti maŋen adnet. Muhtem rijka rávkki dujna le duodastus ietjat vaksijnaj hárráj.
DÁVDDA
Jus manon muhtem álkes åvddålnjuolgadusájt tjuovo de varrásin biso. Vádav binneda dávdajt bv. tjadádagáv oadtjot. Návti tjadádagás bessat:
• Buorre giehtahygiena
• Biebmo - máhtá bårråt gájkka ma li tjadámalestum jali basedum. Varás lájbijda li aj sämmi. Garve njuosska sálladav ja muorjánijt jus iesj ij dajt snivvva dåjde ja sihko.
• Tjáhtje - ale tjátjev tjáhtjebåhttsås jugá, dåssjå duoldadum jali ruvsan. Tjáhtjeruvsa låhkke galggá doajedak årrot. Gå banijt skuoro de tjátjev doajedak ruvsas jali desifiseridum tjátjev ane. Galmas ij gájkka rugev oajte, várri aj jiegŋabiehkijs.
• Jiegŋa - Gárve jieŋas majt i dåbdå, sierraláhkáj ma älla doajedak páhppárij sinna.
• Jus biebmojt ja juhkusijt gahttunvuobddijs oastá de dähppomvadá lassán.
Duv mannoapotehkan dá máhtti/vierttiji gávnnut:
• Plåsståra ja sterijlla kompressa
• Pinsähtta, skárjá ja termomehter
• Bomullo ja q-tips
• Hávverájnnimdálkas
• Luoddudak-ja febergiehpedim táblehta (Paracetamol)
• Hydrokortisonvuojdas råbmebårrumij ja ruoppijda
• Biejvvevuojdas
• Tjuojggavuojdas
• Tjadádakganugahttemdálkkasa degu Imodium ja Loperamid ( ij mánájda 12 jage nuorabu)
• Ieme dálkkasa
• Kondoma
• Doarjjagurbbasa
• Sáhkada ietjat dåktårijn jus li ietja ájnas ássje.
DUODASTUS JA EKONOMIDDJA
Duodastusáv viertti adnet. Ásada duodastusáv mij le fámon jårbbå räjsov. Hátte li umasslágátja, diedojt åttjuda umasse duodastussiebrijs.
Vuogas le almma budsjehta dahkat. Budsjehta viertti sisanedit gålojt:
• Háledimbiljähttaj
• Mannoduodastussaj
• Vaksijnajda
• Medisijnna nävojda
• Visumijda
• Sålbbebiednigijda
• Hähkka gålojda
Visa-jali mastercard le dárbulasj. Ålggorijkan máhtá biednigijt ienemus báŋŋkaautomátajn viedtjat. Vuorrádussan le juohkka bále gå biednigijt viettja de le bájken 30 kråvnå gållo. Duodden le aj 0,5 % biedniklågos majt viettja(målsosuvvá báŋkas báŋŋkaj). Gájkka majt viettja ja máksusijt kårtåjn le vuogas tjálestit. Dan diehti gå le dárbulasj ekonomidjav gähttjat
HUOMAHA! Skandiabáŋkan ij le gållo ålgorijkan biednigijt viedtjat.
VUOSSA SISADNO
Gássjel le mierredit majt galga válldet maŋen, valla mujte galga vuossav guoddet. Vuossa sisadno viertti huoman årrot:
• Biktasa – vuogas le tsåggåt juojddá majt aktit mannuj, bäjvvásattjat ja hávsskudallamij máhtá. Máhttá ienemusáv álbet räjson oasstet.
• Buorre gábmagijt le A ja O
• Oademvuossa
• Toalähttarustajt
• Sagárdagájt – vuogas le tsåggåt guokta sagárdagá. Jus akta le duolvas de nubbe le lijggen.
• Diehtogirjijt ij galga Vuonan oasstet. Álbebut oastá rijkajn gåsi vuolgá. Máhtá ietjat girjijt muhtem rijkajn binná mávsujn målssot.
• Sålbbelámpov- Muhtem rijkajn elektrisitehtav vissa ájgij jánndurin jáddiji.
• Sålbbenijbev
• Båktemklåhkav
• Goarromrustajt
BUORRE DIEDO
• Vuogas le pássav, vaksijnnakårtåv, háledimbiljehtajt ja visumav moattedit. Bårto moatte sajijda vuossan. Jus lihpit moaddása manon, de juohkit moattedimijt. Jus dajt biesstebihtit de le álkep ådåstuhttet.
• Jus lihpit moattes aktan manon de le vuogas toalähttarustajt aktan adnet. Sajev dagátjit ja noadev giehpedittjat.
• Ietjá mannijs guládalá rijkaj birra gåsi ájgo mannat. Siján li edna diedo gåsi máhttá mannat.
GÁVNAS LIŊŊKAT
Eurotrip
Excite
Hostelworld
Kilroytravels
Let´s Go
Utenriksdepartementet - Reiseinformasjon og reiseråd
Utenriksdepartementet - Visumfrie land
Vaksinasjonssenter