Stáddá le oassen dan gåhtjodum bajusjjalkas Vuonan. Uddni jáhkkep dát bajusj lij dat man sisi jågåtja bårrin jur åvddål jiegŋaájge ja majt goasstejieŋa maŋŋela vas bårrin tjiegŋalis vákkijda ja vuonajda. Stáddá le muhttijn jiegŋaájgen læhkám nunatakk, dat sihtá javllat snjutjek várre mij tsæggaj jieŋa badjel.
Stáddá lij juogu de jur milta jali vehi vuollelin ednambajutjis mij lij Vuonan åvddål jiegŋaájge álggin. Dát bajusj soajttá gávnnuj juo åvddål dinosaura gávnnujin.
Státtá granihtta le sulle 1800 millijåvnå jage vuoras. Granihtta le magmáhta báktesládja. Dát báktesládja idij gå magma (suddam giergge) garraj ednama sinna.
Tråmså universitehta Kåre Kullerud le animasjåvnåv dahkam mij vuoset gåktu Stáddá sjattaj navti gåktu uddni le.
