Bierjjedagá snjilltjamáno 30. biejve kl. 10 almot Divtasvuona suohkan - Tysfjord kommune nasjonálváre Státtá ietjas næhttabájkev rádevieson Gásluovtan
Brødrene Johansen Skyssbåter suvddá dijáv gudi hálijdihpit Státtáv vuonas vásedit. Manno vihpá sulle tijmav. Riŋŋgu 75 77 43 29 / 481 77 568 diededittjat jali boade kádjaj. Manni Gásluovtas bierjjedagá snjilltjamáno 30. biejve kl. 12. Hadde 200 kråvnå.
Hugh Breivik viddnudagán Arctic Encounters vuodjá RIB-vantsav Áhkávuodnaj. Biehtsisjsuollu milta vuodjá, gånnå li ållo goasskema, ja joarkká Skárffabávte vajus Áhkávuodnaj. Manno vihpá gaskal 1,5 ja guokta tijma ja máksá 250 kråvnå (ienemusát 12 ulmutja vantsan). Válde bivvalis biktasijt fáron. Gårvijdamvesta li sujna luojkan. Manná bierjjedagá snjilltjamáno 30. biejve kl. 10 ja kl 16. Sæmmi aj lávvodagá snjilltjamáno 31. biejve kl. 10 ja kl. 16 Luovtas Rábekjuvsos. Gatjálvisá ja diededibme: info@arctic-encounters.com jali 75 77 57 46 (snjilltjamáno 26. biejve rájes).
Lávvodagá snjilltjamáno 31. biejve kl. 18 máhtá Norcema klubbavieson Gásluovtan gullat gå stivrrajådediddje Vuona turisstasiebren «Den Norske Turistforening» Tom-Ivar Bern giehttu ietjas siebre ja Státtá birra. Várregibttse Leif Storjord subtsas ietjas åtsådallamij birra nasjonálváres ja gåvvididdje Lars Thulin (girjje "Stetind and Narvik - Dancing on the Devil's Dancefloor" aktan Mikael af Ekenstam:ajn) vuoset gåvåjt Státtás. Ásadiddje le Divtasvuona bájkálasjhiståvrråsiebrre. Diedo: Leif Kristian Klæboe, mobijlla 991 58 707 jali e-poassta: jensvolleiendom@gmail.com.
Ofoten friluftsråd vádtsusav ásat. Tjuovvop bálggáv mij Státtáv bajás goarrit. Ulmme le Tjáhppisjávrráj jåvsådit, mij la tjielggisruodná goasstejiegŋajávrásj 725 mehtara alludagán. Rádes váre tsækkodi jávrátjis mij la attraksjåvnnå ietjastis. Tuvrra ienemus oassáj láttov tjuovvu, valla avtav gaskav li juova majt rasstit hæhttup ja danen lulu sjaddat vehi låsså váttsos. Dåhkki válldet fáron badjel 7-jahkásasj mánájt jali guoddet mánáv. Diededibme: post@ofotensfriluftsrad.no jali Anne-Margrethe Roll, mobijlla 906 59 676. Æjvvalip Vássján bierjjedagá snjilltjamáno 30. biejve kl. 14. Tuvrraduodastusá gálggim ja hålla suohkanoajves vádtsusa maŋŋela. Æjvvalibme Vássján tuvra maŋŋela kl 18.30.
Åse Haraldsen le oajvven tuvrralátton mij manná Gálbbeluovtas, Stuorragiettes jur oarjás. Tuvrra manná Tjeldhávnnaj (1,2 km) ja sij gudi sihti guhkebuv vádtset bessi fáron Seljenessaj ja vas Gálbbeluoktaj. Sulle 3,5 kilomehtera guhkke váttsos sisadná duola dagu tjáppa várddudagáv nasjonálváres. Tuvrra vihpá sulle guokta tijma. Ájggop grillit Tjeldhávnan. Válde fáron grillabiebmojt ja soajttá lávkudambiktasijt. Æjvvalip kájan Gálbbeluovtan lávvodagá snjilltjamáno 31. biejve kl. 11.30. Gatjálvisá: Åse Haraldsen 991 52 746
Stáddá le jáhkedahte Vuona tjáppemus gibttsom! Oahpestum Stáddátuvrra gånnå nasjonálvárev (1392 mbm) jåvsådip hiehpá jus dujna le dábálasj tuvrrakondisjåvnnå, jus la vehi hærdodis ja jus i ilá allagijs balá (dábálasj ballo allagijs buoragit manná). Ávvudallamájllega ásaduvvi tuvra bierjjedagá 30. biejve ja lávvodagá 31. biejve tuvrraoahpestiddjij gudi várijt buoragit dåbddi, li guhkijt juo gibttsum ja li dåhkkidum gibttsominstruktøra Norsk Fjellsportforumin jali sæmmi buohta. Tuvrajn li smáv juohkusa ja danen soajttá sjaddi dievvatjáledum ávvudallamájllegin. Tuvrra vihpá sulle 12 tijma. Jus sidá diededit, de válde aktijvuodav Nordland Turselskapijn telefåvnån 906 36 086 jali post@nordlandturselskap.no. Lågå ienebuv: http://www.nordlandturselskap.no/. Ietján ásat aj Nordland Turselskap oahpestum tuvrajt Stáddáj ålles giesev ja gitta ragátmáno loahppamudduj. Diplåvmå gálggim ja hålla suohkanoajves tuvra maŋŋela. Æjvvalibme Vássján tuvra maŋŋela kl 18.30.
Per-Martin Jæger la iesj oahppam gåvvidit. Kamerajn le viessum jagijt tjadá ja la sån la sierralágásj hámev ásadam. Suv motijva, arvusmahttem, tjuovggadivudibme, bájno ja tjierggisvuohta gávnnuji luondon. Jæger vuosádallá gåvåjt Státtás, aktan abstrakta luonndogåvåj rádevieson Gásluovtan. Rahpam bierjjedagá snjilltjamáno 30. biejve kl 10.
Åse Haraldsen, Hildur Haraldsen ja Oteh Ild Ellingsen li gådåmminsstarav hábbmim mij le Státtás arvusmahtedum. Åse ja Hildur libá «Stáddágahperav» ja «Stáddáfáhtsajt» dahkam ja Oteh la «Stáddáguobájt» dahkam. Minsstarav gávna Divtasvuona suohkana - Tysfjord kommunes girjjevuorkájn. Almodibme rádevieson Gásluovtan bierjjedagá snjilltjamáno 30. biejve kl. 10.
Terje Skogekker ja Åse Haraldsen libá oajvven ja vissjalis ulmutja dájddavuosádusá duogen, mij la Tysfjord turistsenterin, Stuorragietten. Vuosádusán la «Stetind i kunsten» (Stáddá dájdan) guovdátjin. Dájddára Divtasvuonas vuosedi gåvåjt, sihke mállagijt ja fotografiagåvåjt. Dájdda le oasen. Vuosádusáv máhtá guossidit turisstaguovdátja rahpamájgijn snjilltjamáno 11. biejve rájes ja giese loahppamudduj.
Johan Daniel Hætta káfav ja bidosav vuobddá tjubukgoaden Vássján ávvudallamájllegin. Juojggam aj gullu. Viddnudahka «Hættas kulinariske og kulturelle opplevelser».
Lotte Henriksen oassásav ja atélierav jådet, gånnå sáme duojev ja Stáddábuvtajt vuobddá. Sujna le rabás ávvudallamájllegin. Oassás la Gásluovta guovdon