Stáddá le guhkijt læhkám dåbdos gibttsombirrasijn, aj Vuona ålggolin. Maŋenagi gå væddja le boahtám de li aj ienebuv båhtalam gudi e allagijs balá. Vuollelin gåvvidip guokta dajs ienemus anedum ruvtojt Státtátjåhkkåj, duodden váttsostjielggidusájda Halls fortoppaj ja Tjáhppisjávrráj.
Luodjomláhkáj ep máhte gibttsomgatjálvisájt vásstedit. Ienni vuosedip sidjij gudi dav máhtti, dagu Nordland Turselskap ja Nord-Norsk Klatreskole.
