Ådå ålmåj Viestarmeran?
![Johan Daniel Hætta (Foto: Harrieth Aira/NRK) Johan Daniel Hætta (Foto: Harrieth Aira/NRK)](http://gfx.nrk.no/-4OpwKRzK5iLsxVB0cPS6ASbXRjHEMSRzvDb1W_jk-Zg.jpg)
Johan Daniel Hætta tjåhkkåj uddni Divtasvuona suohkanstivran.
Foto: Harrieth Aira/NRKDán lávvodagá mierret Barggijbelludahka, Viestarmera válggabijran guhtimusj galggá Barggijbelludagáv åvdåstit boahtte sámedikkeválgan. Sjaddá gus Johan Daniel Hætta, Divtasvuonas vaj Sámedikke rádeájras Vibeke Larsen, Áravuomes?
Publisert 14.11.2012 15:02.
- Skriv ut
Dat mij la tjielgas la gåjt jut Viestarmera válggabijran gåsi 35 suohkana sihke Nordlándan ja Råmsån gulluji, ja gånnå uddni Sámedikke rádeájras Vibeke Larsen le lista bajemusán, ij la ådå luohtádusáv nominasjåvnåjuohkusis oadtjum.
Ælla ådå luohtádusáv oadtjum
![Vibeke Larsen (Foto: Dan Robert Larsen/NRK) Vibeke Larsen (Foto: Dan Robert Larsen/NRK)](http://gfx.nrk.no/29jyL4XdLXBmTeqI72EOcwb6RqbYr9AxEDE51lPc566g.jpg)
Sámedikke rádeájras, Vibeke Larsen
Foto: Dan Robert Larsen/NRKNominasjåvnåjuogos la oajvvadam Johan Daniel Hætta,Divtasvuonas lista bajemus sadjáj, Tove Berg, Rivtagis nuppát sadjáj ja Arild Inga Pettersen, Suorttas goalmát sadjáj.
Dát merkaj ælla aktak udnásj Viestarmera sámedikkeájrrasijs ådå luohtádusáv oadtjum nominasjåvnnåjuohkusis.
Vuostatjin guosská dat Vibeke Larsenij, Áravuomes, valla aj Geir Johnsenij, Ruŋggogieras ja goalmádij Inga-Lill Sundsetaj, Bådådjos gudi uddni li válljiduvvam Barggijbelludagá sámedikkeájrrasa.
– Barggijbelludagá bájkálasj siebre sihti ådå ulmutjijt Sámediggáj ja mij lip gehtjadam vaj sjiervve ja geografija aj hiehpá, tjielggi Viestarmera forumstivra jådediddje ja nominasjåvnåjuohkusa jådediddje, Elin Larsen.
Gilpustallam bajemus sajijda
Valla nav gåk mij dádjadip de sihti dá gålmmåsa joarkket ájrastit Barggijbelludagáv.
Så vuordedahtte sjaddá gilpustallam gå Belludak tjåhkan nomineritjit lávvodagá Dieldanuore kro ja motellan, Skánegin.
Viestarmera válggabijrra
- Válggabijrraj gulluji 35 suohkana Divrradis, Råmsån nuorttan gitta Meløddjuj, Nordlándan oarjján.
- Niellja politihkkára galggi válljiduvvat boahtte Sámediggáj.
- Maŋemus sámedikkeválgan, jagen 2009, oattjoj NSR gålmmå ájrrasa ja Barggijbelludahka guokta ájrrasa.
- 1455 ulmutja li tjáledam ietjasa sámedikke jienastuslåhkuj dán válggabijran.
- Gálldo: samediggi.no.
Sihke Vibeke Larsenin, Geir Johnsenin ja Inga-Lill Sundsetan la miella ájn avta ájggegávdav Sámedikken tjåhkkåhit.
Valla nominasjåvnåjuogos ij la sijájs gatjádam jus hálijdi joarkket.
– Mij ep la sijájs gatjádam jus sihti joarkket, ep la, dan diehti gå midja lip dåssju tjuovvum dav majt bájkálasj siebrij jådediddje vieledi, javllá Elin Larsen.
Jus dal Barggijbelludagá siebre li nav miellusa dán oajvvadussaj la aj gatjálvis.
Mijá diedoj milta li nav ålos gå 11-12 bájkálasj barggijbelludagá siebre maŋŋáj gå nominasjåvnåjuohkusa oajvvadus diehttuj, guláskuddamin tsuojggim nominasjåvnå-juohkusa oajvvadusáv.
Sijá mielas ij la nominasjåvnåjuogos tjuovvum bájkálasj siebrij vuojnojt gudi beras lulu lista bajemusán. Nágin dájs bájkálasj barggijbelludagá siebrijs li gåjt Bådådjo, Fuosko, Narvijka, Loabaga ja Harstada barggijbelludagá.
Så ij la dal nav alvadahtte jus tjåhkanimen båhti sierra oajvvadusá gå dav majt nominasjåvnåjuogos oajvvat.
Dav aj forumstivra jådediddje Elin Larsen jáhkká.
– Mån dal vuordáv båhti sierra oajvvadusá tjåhkanimen. Ij la dal javladum jut nominasjåvnåjuohkusa lissta la dajt mij mierreduvvá. Dat lulu maŋutjissaj sjaddat ållu ietjá lissta, javllá sån.
Barggijbelludagá nominasjåvnnå le Dieldanuore kro ja motellan, Skánegin lávvodagá ja álggá kl. 13.00.
- Gájka gudi ietjasa li tjáledam sámedikke jienastuslåhkuj ja gudi li sebrulattja Barggijbelludagán máhtti oassálasstet ja liehket fáron mierredime gudi galggi listan tjuodtjot, subtsas Larsen.
10 siste fra NRK Sápmi
![Hvit buffer 2 Hvit buffer 2](http://gfx.nrk.no/baqG24TBHHNktE37UCGsDwOVpoJP0E35WOYuOY08zQ-A.jpg)
- Tips oss
- Kárášjohka/ Karasjok
- E-post: samivaktsjef@nrk.no
- Tips telefon: 90 59 11 11
- Redaksjonssjef:
Radio og nett:
Ann-Irene Buljo
Telefon: 91720669 - Redaksjonssjef TV:
Sara Ellen Anne Eira
Telefon: 90061766 - Evenskjer
- Telefon: 77085800
- Guovdageaidnu/ Kautokeino
- Telefon: 78484700
- Kjell Are Guttorm
Telefon: 41493749 - Åse Pulk
Telefon: 41493760 - Jenna Rasmus
Telefon: 94499609 - Berit Solveig Gaup
Telefon: 41539908 - Liv Inger Somby
Telefon: 90056995 - Marianne Boine
Telefon: 91808123 - Mattias Sikku-Valio
Telefon: 40767138 - Oddbjørg Hætta Sara
Telefon: 41431308 - Gáivuotna/ Kåfjord
- Telefon:
77716444 / 77716441 - Klemet Anders Sara
Telefon: 41408546 - Oslo
- Telefon: 23047674
- Mette Ballovara
Telefon: 90085115 - Johs Kalvemo
Telefon: 99557435 - Kenneth Hætta
Telefon: 45134499 - Snoasa/ Snåsa
- Telefon: 74151177
- Kjell Roger Appfjell
Telefon: 48251591 - Deatnu/ Tana
- Telefon: 78927717
- Eilif Aslaksen
Telefon: 91814742 - Nils Henrik Måsø
Telefon: 99524321 - Tor-Emil Schanche
Telefon: 40612889 - Tromsa/ Tromsø
- Telefon: 77661288
- Per Klemetsen Hætta
Telefon: 97510928 - Divttasvuotna/ Tysfjord
- Telefon: 75773335
- Sander Andersen
Telefon: 46932042 - Harrieth Aira
Telefon: 99047356