Bådåddjo-galbba suoláduvvam

Sådnåbiejven oattjoj åssudakdirektørra Stáhta rahtedåjmadagán, Kjell Skjerve, diedov jut Bådåddjo-galbba lij suoláduvvam. Skjerve jáhkká sån jali sij gudi li galbav suoládam li dáv dahkam suohttasa diehti. Valla iehtja ij de dási galla tjajma.

– Hådjånav gå vuojnáv mijá galba biejsteduvvi. Miján li ietjá ássje majt lulup ruhtadit, valla lip oahppam vierttip rudájt vuorodit dákkir bahádagojda, javllá Skjerve NRK.no:aj.

• Lågå: Vegvesenet ber tyven melde seg

Ij la vuostasj bále gå gáhtu

Galbba birra la edna sáhka læhkám. Åvddål la moaddi biejsteduvvam, ja galbba l aj åvddål gáhtum dassta gånnå tjuodtju.

• Lågå aj: Samisk skilt sporløst borte
• Lågå aj: Tagget ned Bodø nye samiske skilt
• Lågå aj: Samisk skilt sporløst borte

Bådåddjo-galbba la åvddål aj moaddi biejsteduvvam.

Foto: Susanne Lysvold/NRK

Bæssá stráffas

Kjell Skjerve doajvvu sån gut galbav la válldám la várddás ja buktá galbav ruoptus sunji.

– Ij sån oattjo makkirik stráffav, mån ávvusav jus dav oattjov ruoptus, javllá Skjerve.

Sån la juo ådå galbav diŋŋgum, ja doajvvu la sajen vahko duogen.