Maŋimuš ođđasat sámegillii

– Boasto namma miehttseguovlluj

Oasse Láhku miehttseguovlos mij mierreduváj miehttseguovllon javllamánon 2012.

Foto: Tom Edvindsen/NRK

Javlaj åvddål ásaduváj ådå miehttseguovllo bidumsámeguovlluj Nordlándan, valla miehttseguovlo namma la nuorttasámegiellaj tjáleduvvam.

Harrieth Aira

Publisert 23.01.2013 15:33.

Skriv ut
Del/tips

Ådå miehttseguovllo mij gåbttjå Oarjjelij Bájddára, Melødjo ja Bájddára suohkanijt, bidumsáme guovlon Nordlándan, oattjoj namáv Láhku miehttseguovllo.

Valla bájke ulmutja murkesti nammaj.

Sijá mielas viertti namma liehket bidumsámegiellaj gå dat la ásaduvvam bidumsáme guovlluj.

Láhku miehttseguovllo

Ásaduváj javllámánon 2012.
Gåbttjå oasev Oarjjelij Bájddára, Melødjo ja Bájddára suohkanijs.
Gåbttjå areálav mij la suláj 188 km2.
Láhku miehttseguovllo la ráddnáguovllo Sálltoduoddara-Tjáhppisjieŋa miehtteguovlluj.
Gálldo: www.dirnat.no/multimedia/54728/Faktaark-des-2012.pdf&contentdisposition=attachment

– Láhku miehttseguovllo la mierreduvvam nuorttasámegiela tjállemvuoge milta ja muv mielas ij tjuovo bájkkenammalága vuodoprinsihpajt, javllá sábme ja kultuvrrahistorihkkár, Elin Anita Sivertsen, Bájddáris gut imájdallá manen Sámedigge ij la gåtsedam ássjev vaj riekta namma miehttseguovlluj mierreduvvá.

Láhku vaj Láhko miehttseguovllo?

Gatjálvis le jus miehttseguovllo galggá tjáleduvvat Láhku vaj Láhko miehttseguovllo.

– Mån vuojnáv namma la tjáleduvvam nuorttasáme tjállemvuogijn, vuojnáv u-bokstávva la maŋemus, valla mij tjállep unnán ietjáláhkáj gåjt de julevsámegielan. Så muv mielas bierri liehket namma mij gullu dan giellasuorggáj gånnå bájkke le ja tjuovvot dan guovlo giellasuorge jiednadimvuogev, javllá sámegiela universitehtalektur Nordlánda universitehtan, Anders Kintel.

Gulldal ålles ássjev vuollelin de oattjo gullat manen miehttseguovlo namma sjattaj gåk sjattaj, ja jus dát divoduvvá.

GULLDAL ÅLLES ÁSSJEV DÁNNA: