Duodjeprosjækta julevsáme guovlon joarkká

Dav duodas Sámedikkeráde ájras Vibeke Larsen gut vásse bierjjedagá iejvvij Árran - julevsáme guovdátjav ságastalátjit dán ja ietjá prosjevtaj birra majt Árran ájggu tjadádit.

– Iv dal ássjijt giehtadalá media baktu, valla mij lip miellusa soames prosjevtajda majna Árran barggá, duola dagu duodjeprosjevtajn mij mijá diedoj milta la viehka buorakláhkáj vuosstájváldeduvvam. Ja dat vuoset dárbbo lij dákkir duodjelåpptimij juo måttijt jagijt, javllá Vibeke Larsen.

Dudálattja duodjelåpptimijn

Dijmmá juollodij Sámedigge ja Nordlánda fylkasuohkan 900 000 kråvnå ådå duodjelåpptimprosjæktaj julev- ja bidumsáme guovlon.

• LÅGÅ: Stuorra berustibme duodjelåpptimij
• LÅGÅ AJ: Sihtá dal duojev nannit
• LÅGÅ AJ: Árran satser på duodji

Vásse tjavtja ságastijma oasseválldij ja prosjevta jådediddjij, ja dála gulá majt dalloj NRK:aj javllin (báddidum basádismáno 2012):

Jáhttá duodderudájt

Prosjevtas la stuorra berustibme ja dá gålmmå oassálasste sihti joarkket prosjevtajn aj dan ja boahtte jage.

Sámedigge jáhttá biednigijt vaj prosjevtajn máhtti joarkket dán jage aj.

– Mij sihtap doarjjot prosjevtav vaj dat joarkká, ja mij lip uddni Árranij diededam majt mij sihtap galggá dættoduvvat dán ájgegávdan, jáhttá Vibeke Larsen.

Sihke Árrana direktørra, Lars Andreassen ja stivrrajådediddje Sonja Steen (oalges bielen) ja Sámedikkeráde ájras Vibeke Larsen (gåro bielen) li vuojnnet dudálattja tjåhkanimijn.

Foto: Harrieth Aira/NRK

Ruhta aj rádjáoahpestiddjeprosjæktaj

Duodden dási vuojnnet rádjáoahpestiddjeprosjækta majt Árran háldat aj sjaddá joarkket.

Árran dal åhtsåmusáv sáddi Rijkaantikváraj ja Sámediggáj dáv prosjevtav ållidittjat dagu dal doaro kulturmujtojt åbdedit, prosjevtav digitaliserit ja aj vuosádusáv gárvedahttját.

Moadda oase fájlluji, javllá Árrana stivrrajådediddje Sonja A. Steen ja hasot dajna Sámedikkev rudájt rádjáoahpestiddjeprosjæktaj juollodit.

Sámedikkeráde ájras Vibeke Larsen májnnu åhtsåmusáv Rijkaantikvárraj.

Duodden dal aj Sámedigge dáv sihtá vuorodit ja nav dán jagásj budsjæhttaj la dav biedjam.

– Ruhtadittjat dáv prosjevtav la aktisasjbarggo Rijkaantikvárajn ja Sámedigge doarjju Árrana åhtsåmusáv Rijkaantikváraj. Ja de lip midja ietja diededam Árranij mij sihtap dáv doarjjat, ja dan diehti lip mij biedjam rudájt ietjama budsjæhttaj jahkáj 2013. Så mij vuorddep dal åhtsåmusáv Árranis ja gå uddni lip gullam ienebuv prosjevta birra de mij jáhkkep dán prosjæktaj, javllá Vibeke Larsen.

• LÅGÅ AJ: Forfulgt grunnet sin etnisitet

GULLDAL ÅLLES ÁSSJEV DÁNNA: