Mujttádahtti nissunbiejvev

Árran ij la dájt maŋemus jagijt tjadádam sierra mujttádahttemijt nissunbiejven.

– Mij dán jage mujttádahttep nissunbiejvev dan diehti gå dán jage la jienastimriektáávvudibme mij merkaj li 100 jage dat rájes gå nissuna Vuonarijkan oadtjun ålles jienastimriektáv sæmmi buohta ålmmåj subtsas Árrana rádevadde, Päivi Alanen.

• Lågå ienebuv jienastimriektáávvudimes Vuonarijkav miehtáj dánna.

Mujttádahttemin mij la dán bierjjedagá, snjuktjamáno 8. biejve, galggá Sámedikke vuorrasijráde jådediddje, Inga Karlsen lågådallat sáme nissuna ja dássádusdile birra åvddål ja uddni.

Divtasvuona ASVO bæjválasj jådediddje Beate Ráhka Knutsen galggá giehttot nissunværmástagá ja dássádusá birra.

Nuorra nissun ja åhpadiddje Ingrid Kintel galggá lågådallat sámegiella ja dássádus. Ja duodden galggá Sámedikkeráde politihkalasj rádevadde, Hagbart Grønmo giehttot sáme nissunij birra politihkan.

– Dárbbo mujttádahttet

Alanen:a mielas la dárbbo mujttádahttet dássádusáv sjiervij gaskan vilák uddni ja aj sáme sebrudagájn.

– Vádnun ájn dássádus vaj nissunij dille la sæmmi dásen gå ålmmåj.

– Álu li má ålmmåjn sijájn gænna l fábmo, sij gudi li jådediddje ja sij gudi tjåhkkåhi biednikvuossa nanna ja gudi mierredi ássjijt politihkan. Ja álu de sjaddi ålmmå gudi ráddiji sebrudagán jus ga miján li moadda berustiddjes nissuna. Så vilák vierttiji nissuna tjalmostahteduvvat vaj sjaddá almma dássádus gájkaj ulmutjij gaskan dættot Alanen.

GULLDAL ÅLLES ÁSSJEV SÁMEGIELLAJ DÁNNA: