Paulsen oajvvaduvvám bajemusán

Paulsen la Divtasvuona suohkanpolitihkkár Aktisasjlistan gåsi belludagá Oalges -, Gårå -, Krisstalasj álmmukbelludak - ja Belludahtága gulluji.

Sån la aj sadjásasj ájras Divtasvuona åvddånammadusán ja stuoves ájras Doajmmenammadusán.

Lars Filip Paulsen barggá sámegiella rádevadden Árran - julevsáme guovdátjin ja la udnásj NSR:a sámedikkeájrrasa, Miriam Paulsen:a viellja.

• Lågå aj: Høyre vil være med i kampen

Dán bále la vuostasj bále gå Oalgesbelludak tsieggi listav sámedikkeválggaj Viestarmera válggabijran.

Nominasjåvnnåtjåhkanibme Bådåddjon

Oalgesbelludagá nominasjåvnnåtjåhkanibme Viestarmera válggabijran la Bådåddjon, bierjjedagá ådåjakmáno 18. biejve.

Dála oajvvaduvvam lissta:

1. Lars Filip Paulsen, 33 jagák, Divtasvuodna
2. Aili Kirste Solheim Strømeng, 18 jagák, Vestvågøy
3. Nils Ante Eira, 37 jagák, Loabát

4. Åshild Jessen, 25 jagák, Divtasvuodna
5. Frank-­‐Håvard Storvik, 43 jagák, Bådåddjo
6. Lars Roger Hansen, 32 jagák, Lådik
7. Birgit Ellen Sara M Skum, 51 jagák, Sálatvuobme
8. Line Maria Berglund, 37 jagák, Ándá

9. Arnhild Lindback, 26 jagák, Hábmer
10. Andreas Mikkelsen, 28 jagák, Divtasvuodna

Filip Mikkelsen ij sebra

Divtasvuona suohkanpolitihkkár ja sadjásasj jådediddje Oalgesbelludagá sámepolitihkalasj juohkusin , Filip Mikkelsen ij la oajvvaduvvam gånnån sajen dán listan.

Filip Mikkelsen tjielggi manen sån ij la listan jus ga sån la lista duogen.

– Suohkanpolitihkka la munji nuoges doajmma ja mån iv hálida sæbrrat sámedikkepolitihkkárin. Sidáv aj lahtjet sájev nuorap ulmutjijda, le má sidja gudi li sámedikke boahtte ájgge, javllá Mikkelsen NRK:aj.