-Ittjiv duosta fággáj gåhttjot
-Miella lij gal fággádit, valla ittjiv rat duosta. Balliv jiegñabiernna lij gievrap mujsta, tjajmat Tom Fredrik Eivik. Tom Fredrik la vat arktalasj suollujn mannam. Dán bále lij Hopenin badjelasj bielle jagev. Ja sæmmi biejve gå suolluj bådij, oattjoj jiegñabiernav guossáj.
Tom Fredrik la dáv gåvvim vinndegis ietjas oademlanján. -Ittjiv de duosta biernnaádjáv fággáj gåhttjot. Vuojnniv dal mån dájna ij dåhkki spievttjit, javllá sån. Gåvva: Tom Fredrik Eivik
Birssov dal hæhttu dájn biernnabájkijn guoddet juska la dåssju uvsa ålgusbielen gå muhttijn hæhttu.Tom Fredrik Eivik Divtasvuonas la moaddi mannam árktalasj suollujn barggamin. Dån jage Sválbárddaj manáj, åvdep jage lij Biernasuollun, ja dán jage l Hopenin mannam. Hopen la akta suoloj Sválbárdasuollujs ja la 47 km2 stuorak. Alemus várre la 370 m.n.b.. Meteorologalasj stásjåvnnå dan suollun rahpusij jagen1945, ja dallutjis li dav stásjåvnåv sujttim, ålles jagev.
Áddjá guossáj bådij
Tom Fredrik Eivik la kámerájn ”viejddim” ja gåvvim moadda duhát gåvå árktalasj guovlojs. Gåvvå: Bjørnar Weines
MoDijmmá dálve åtsåj Tom Fredrik bargov Hopenin, ja vuorbástuváj.armesmáno 26. biejve lij sån ådå barggosajen, ja danna galgaj bielle jagev årrot. Dåppen ij mobiltelefåvnnå dåjma, ij la internæhtta, valla luonndovásádusá li gal majt ij ietjá guovlojn gávna. Dåppen gávnnuji aj juhtusa ma e dábálattjat Vuonagátten vuojnnu ietján gå árktalasj guovlojn, ja Tom Fredrik oattjoj avtav dajs iejvvit juo vuostasj biejve. –Dan sæmmi iehkeda gå mij nieljes lijma gáddáj boahtám, de juo vuostasj guosse bådij guotsa. Alvaduvviv, ja dan stuojmen ittjiv rat huomája gåsi lidjiv kámeráv vuorkkim. Biernna ållu goade guorav bådij guotsa, ja vijmak hæhttujma avtav bednagijs luojttet baldátjit, subtsas Tom Fredrik gut ajtu oattjoj gåvåjt majt la åhtsålam. Dábálsj luonndo Hopenin. Tom Fredrik la prográmmajådediddjijn Arne Nævrajn ságastime gå bårggemánon bådij luonndoprográmmav dagátjit mij TV’an sáddiduváj vásse gasskavahko. Gåvvå: Bjørnar WeinesSæmmi båttå gå gåvvij, galgaj aj filmmit, valla Tom Fredrikin lidjin aj maññáj máhttelisvuoda ja assto dájt barggat dajna gå jiegñabiernna stásjåvnå birra guotsaj ålles giesev. –Jus galgajma gåsik, edesik ålgus gåttjådittjat, de hæhttujma birssov oalggáj gatsostit. Ij dal danna diehttu; hæhkkat la biernnabiebbmon, javllá árktalasj veterádna.
Gierddisvuodav hárjjidallat
Tom Fredrik la goalmádis árktalasj bájkijn ja ávtas suollujn, ja Hopen la unnemus suoloj gånnå l dálátjij årrum. Suv oajvvebarggo lij málestit. Hopen–Lijma dåssju nieljes, valla ájgge ruvva gålåj danna. Agev lij juoga barggat, ja gå lip dåssju nieljes, da viertti aj iehtjádav barggat. Dákkár sajijn hæhttu oassálasstet vargga akta ber masi. Ij dåhkki vuornnot, giehttu sån.
Ij lim ga makkárak gássjelisvuoda sujna dåj nuppij siegen årrot. –Dakkár sajijn de hæhttu ietjas gierddisvuodav hárjjidallat ja muhttijn sjávot årrot. Ij de dåhkki njálmev gajggot ja javllat akta ber majt. Valla jus ássjev årnik láhkáj rájda, de manná agev buoragit. Diehtiv galgajma bielle jagev aktan viessot dan sæmmi goaden daj sæmmi ulmutjij siegen, ja aj sæmmi lájbes bårråt. Dakkár viddjurijda má ulmusj hárjján, ja dát lij aj buorre persåvnnålasj hárjjidus, javllá Tom Fredrik.
Suv mielas la ålov oahppam gå la dákkár ávtas sajijn mannam bargatjit, ja aj dåssju amás ulmutjij siegen årrum.
Tom Fredrik vat Divtasvuodnaj dån biejve jåvsådij, ja sujna l miella vat mannat, ja doajvvu bæssá Jan Mayenij gånnå ij la ájn årrum. Valla ienemusát sihtá Ántárktisij, Troll-stásjåvnnåj. –Jus besav, de manáv, javllá sån.