Julevsámegielav dal ruvva dåhkki internehta baktu aj oahppat. Viddnudak E-skuvla la åhpadimev åvddånahttemin mij la gárves gidá guovlluj. –Dát la álggokurssa julevsámegiellaj, ja la dunji guhti sidá sámegielav oahppat jali vehik máhtá sámástit ja sidá ienebut oahppat, subtsas Jan Skoglund Paltto guhti doajmma viddnudagáv E-skuvla.
Duodden kurssagirjijda oattjo aj persåvnålasj oatsodimev åhpadiddjes, ja njálmálasj hárjjidusáv oadtju oahppe aj internahta jali telefåvnå baktu.
Dájna åhpadusájn aj dåhkki eksámav válldet nuppátgiellan vuodoskåvlå dásen.

Lågå ienebut páhperalmmudusán