Lokalavisa NordSalten
lokalavisa@nord-salten.no Sander Andersen

opplevelse

Dronningruta over Fløya

Dronningruta er rundt 10 km lang og går fra Skånland (ca 2 km fra Bogen) til Holkestad.

Les mer

Din opplevelse her? | Flere opplevelser

Anita Nergårdan lij 13 oahppe Bådødjon gudi sámegielav låhki.

Aktse oahppe mánájskåvlån ja niellja oahppe nuorajskåvlån, duodden la aj akta joarkkaskåvlån gudi li válljim julevsámegielav fáhkan skåvlån dán skåvllåjage Bådødjon. Dajs li gålmmå vuostasjklássaga.

Åhpadiddje Bådødjon, Anita Nergård, subtsas riek måvtugis ja miellagiddavasj oahppij birra gudi hæhttuji ietjasij skåvlåjs ålgus gå galggi sámegieltijmajda.

-Muv barggosadje l Bodøsjøen skåvlån, ja gå muv sámegieloahppe galggi tijmmaj, hæhttuji dán skåvllåj boahtet. Muv oahppe de táksijav válldi diehki, subtsas Anita Nergård.

Nergårda mielas la hávskke gå nav ålos li válljim sámegielav Nordlánda oajvvestádan.

-Hávskke gå nav moahttes sihti sámegielav låhkåt. Jáhkáv ulmutjij ja aj mánáj vuojno li rievddam. Ja de duodden la diedon gå nav ålos Divtasvuonas dáppen årru, javllá Nergård guhti sáñart birrusijt Bådødjon gånnå dåhkki giellaåhpadime birra ságastit.

-Ælla dal Bådødjon birrusa gånnå máhttá sámegiela ja gielaåhpadime fágalattjat ságastit. Dakkár máhttelisvuodav de sáñardav. Mujna l dal Árran gåsstå oattjov fágálasj bagádusájt, valla ælla barggoguojme dáppen gejna máhtáv sámegiela birra giehttot mij guosská åhpadibmáj, javllá Anita Nergård.

Nergård åhpadimev tjadát temáj baktu. Oahppe aj muttijn oadtju giellaåhpadusáv madi duodjuhi, jali gå li gáhkkimin.