Lokalavisa NordSalten
lokalavisa@nord-salten.no Sander Andersen

artikkel

Kandidat til ildsjelprisen i Salten

Les artikkelen

Håvar Olsen fra Steigen er en sterk kandidat til ildsjelprisen i Salten. Les hele saken her.

Sáme allaskåvllå åhtså vat 3 ådå sáme oahpestiddje boahtte skåvllåjáhkáj. Prosjækta l aktisasjbarggo Sáme allaskåvlå ja Barggo- ja aktijdimdepartementa gaskan, ja vihpá 3 jage. Boahtte jahke l aj dán prosjevta mañemus jahke, jus dal ij joarkeduvá.

Sáme allaskåvlån la prosjevta åvdåsvásstádus, ja prosjevta jådediddje Sissel Mikkelsen doajvvu moattes åhtsi dán ”virggáj”.Prosjæktajådediddje Sissel Mikkelsen doajvvu soames åhtså sáme oahpestiddjen.Prosjæktajådediddje Sissel Mikkelsen doajvvu soames åhtså sáme oahpestiddjen.

-3 oahpestiddje galggi vat oadtjot máhttelisvuodav joarkkaskåvlåj milta mannat subtsastittjat sáme nuoraj birra, ja vuosedit sáme nuora aj laptop’ajn barggi ja iPod’an musihkav gulldali. Prosjevta ulmme l vuosedit nuorajskåvlåj oahppijda moattebielev sámevuodas ja sámekultuvras, subtsas Sissel Mikkelsen.

Mikkelsen subtsas moattes e diede åvvå majdik sámij birra, ja nav de vuojnná dárbov oahpestiddjijs.

-Mij tjalmostip sáme identitehtav ja gielav, ja oahpestiddje li agev buorisboahtem akta ber gåsi båhti. Ja imálasj la gå nav ålos e diede majdik sámij birra, sierraláhkáj oarjjelij guovlojn. Dajna de vuojnáv dárbov dássta. Valla e val divna skåvlå vuojne dárbov mijá dievnastusás, javllá Mikkelsen ja jáhkká aj dat la oahppamplána vihke.

”Virggáj” åhtsi 3 dábálasj sáme nuora gudi ælla ájn 25 jage ja gudi diehti vehik ietjas duogátja birra.

-Nuora aj oadtju 15 studiepoenga kursav miján dáppen, ja dat la dagu duodde ieme máhtudahkaj, javllá Sissel Mikkelsen mañutjissaj.

Oahpestiddje oadtju 150.000 kråvnå stipænndan dat jages gå la oahpestiddje, ja åhtsåmájgge l biehtsemáno 9. biejve.