Lokalavisa NordSalten
lokalavisa@nord-salten.no Sander Andersen

Annonse fra Steigen Vertshus AS

Middagsbuffét

Les mer

Hver søndag kl. 13-18 har vi middagsbuffét til kr. 185,-. Velkommen!

Din annonse her? | Flere annonser

Sámedikke ájras Miriam Paulsen(SSR - NSR) oassálasstij suohkana diehtotjåhkanimen dijstagá Gásluovtan. Sån la riek ávon gå Divtasvuodna ajtu sámegielav ja kultuvrav sihtá vieledit, valla suv mielas galgaj dát barggo vehik ruvábut mannat, ja aj åvddåla boahtet.Sámedikke ájras Miriam Paulsen(25) ávvus gå barggo giellaháldadusguovlojn la vuojnnet jåhtuj boahtám. Valla várrot ij dáv dåjmav oajvvevuollen adnet.

Sån la dálla skihppijsujtárin låhkåmin Hammerfestan Finmarkon, ja doajvvu sunji l barggo sijddasuohkanin gå la dåppen gærggam. –Ietjam bieles guláv dagu dudálasj lav gå vijmak lip nav guhkás dán prosæssaj boahtám at galggap sáme giellaháldadusájn suohkana ja aj ietjá almmulasj orgánajn barggagoahtet. Mån jáhkáv dát dahka nav vaj nuorra sámijda dagu suohkan ja almmulasj orgána sidjij aj gullu. Munji l gåjt dagu Divtasvuona suohkan la suohkan mij aj sámeássjijt vielet, ja gånnå ”sábme” sjaddá luondulasj, subtsas Miriam Paulsen ja la riek ávon gå dilev usjudallá, valla várrot huoman vaj dát dille sjaddá oajvvevuollen.

Gåtsedit

Juska dal Divtasvuonan li sáme ållu dålutjis årrum ja aj aktan láttij vieddim, de ij Paulsen vuorde ássje ma gulluji giellaháldadusá bargo vuolláj galggi ijá birán tjoavdeduvvat. –Almmulasj háldadusájn dájn guovlojn ij la sámegiella gullum ietján gå sijájs gudi li barggam danna. Dajna iv vuorde dát galgga liehket gergas gå dåssju boalov diebttji. Dádjadav gå ájgge gållå dájna ássjijn, valla e val de dav galga adnet oajvvevuollen. Vierttip ruvábut barggat, ja vierttip aj snivva barggat. Duodden hæhttup dáv ássjev gåtsedit nav vaj barggo jåhtå, javllá Miriam Paulsen.

Nuorajt arvusmahttet

Miriam Paulsen doajvvu giellaháldadusbarggo suohkanin ienep barggosajijt vaddá, ja suohkan åhpadimev ásat dajda gudi e sámegielav buvte hållat jali tjállet. –Vaddit máhttelisvuodav dajda gudi sihti sámegielav låhkåt ja dan láhkáj oassálasstet bargguj mij gielav nanni. Dat barggo nuorajt arvusmahttá, ja vájbi aj dát barggo dan diehti ienep nuorajt oadtju Divtasvuodnaj jådåtjit, javllá skihppijsujtárstudænnta guhti usjudallá vat Divtasvuonan bargov åttjudit gå gærggá. –Soaptsov nav buoragit Divtasvuonan, ja vájbi ájn vil buorebut soaptsov gå diedáv sábme l oasse suohkanis aj. Doajvov oattjov ruoptus boahtet bargatjit, javllá Miriam Paulsen ja joarkká: -Divtasvuodna l juo lávkev válldám, ij la desti gatjálvis jus galggap sáme giellaháldadusguovlluj oassálasstet vaj ep galga. Dálla l dåssju åvddålij guovlluj gæhttjat ja mielos mielajn barggat.