Lokalavisa NordSalten
lokalavisa@nord-salten.no Sander Andersen

næringsliv

Lokalavisa NordSalten AS

Infoside

Lokalavis for Steigen, Tysfjord og Hamarøy.

Din bedrift her? | Flere bedrifter

Ártihkkalav ”En egen lap” tjálij Olaf Holm tjállagin ”Skillingsmagasin” jagen 1880. Dát sábme gen birra Olaf Holm tjállá la Nils Størk. Nils Størk lij oasestiddje Jågåsijdan Divtasvuonan, ja sån aj oasestij sámij gudi jåhtalin Svieriga ja Vuona gaskav.

Nils Størk rivggodij jáfojt kálkajn, ja dáv jáfov lij jåhttesábme Svieriga bieles akti oasstám. Gå dát sábme dáv jáfov bårrågådij, biestij divna vuoptajt. Sån dal árvvedij mij dal dát la, ja de rájaj noajdev osestiddje lusi Jågåsijddaj. Nils Størk danga maññela hárddos sjattaj, ja dat ájge rájges dåjmadij ietjas oassásav skihpasengas.

Dát la akta moattet ártihkkalijs majt dán jagásj Bårjås sisanet, ja ártihkkal la ådåstuhtedum Hilgunn Pederesenis. Hilgunn Pedersen la aj tjállám nuppe ulmutja birra gen birra li moadda subttsasa; ”Buks-Beret”. Beret viesoj 1800-lågo gassko ja bargaj duola dagu oajvven ietjas tjevsan gå lij guollimijn.

-Åvdep jagijt lip gæhttjalam tiemáj milta tjállet. Dán jage lij gássjelabbo nuoges ártihkkalijt gávnnat avta tiemá birra. Valla javllap galla Bårjås 2006 la ulmutjij birra, dagu dal ártihkkal Nils Størka birra. Duodden la aj sajij birra gånnå ulmutja årru, subtsas dåjmadiddje Lars Børge Myklevold.

Dán jagásj ájggetjála Árrana dávvervuorkás sisanet aj ártihkkalijt årroma ja årudagáj birra. Lars Erik Narmo tjállá åvdep ájge årroma birra Vágijn Lufåhtan, ja tsuojgot ruovddeájge lidjin ienep sáme gudi dåppe årrun gå majt dán rádjáj li.
Arnstein Brekke giehttu bargo birra suoddjit ja divudit sáme årudagájt åvdep Skierrestáde suohkanin. Dát årudaksuoddjimprosjækta l sáme iesjdåbdov bigodahttám, ja sámevuohta l aj ienebut dåhkkidum Skierrestáden.
Valla årromsadje l ienep gå årromguovllo ja årudahka. Guoradalle Sunniva Skålnes vuoset årromsajij tjadnasijt sosiálalasj luonnduj, ja adnem- ja mujttoluonnduj, adjáj Divtasvuonan. Sån moalggá duola dagu Divtasvuona sámijn li guokta årudagá; akta gånnå årru, ja nubbe masi utjárdi.
Harald O. Lindbach la aj sajev dán jagásj Bårjjåsij oadtjum. Sån tjállá gåktu gielav giellat. Buojkulvisáj vuoset sáme poesijav oarjját ja nuorttat, ja adjáj nuoraj guhkes ájádusájt.

Dagu åvddåla la Bårjås oasen guokta vahko åvddåla javlaj, ja boahtte vahko de dåhkki dav låhkågoahtet.