Lokalavisa NordSalten
lokalavisa@nord-salten.no Sander Andersen

May Liss Kant

Ristin Kant

næringsliv

Helnessund Bøteri AS

Infoside

Nyproduksjon og vedlikehold av utstyr til fiske- og oppdrettsnæringen.

Din bedrift her? | Flere bedrifter

Ávijssaprosjækta nuorajskåvlån

Sámegielaoahppe nuorajskåvlån Ájluovtan ja Måske nuorajskåvlå oahppe li ávijssaprosjevtav tjadádam vásse máno. Ártihkkala dán bielen li tjáledum Ájluovta skåvlå oahppijs gudi aj ornámentihkkaseminárraj oassálasstin.
Norsk kortversjon/Oanegis dárogiellaj

Sáme ornámentihkkaseminárra tjadáduvváj basádismáno 15. ja 16. biejve Ájluovtan. Duodje Nordlánnda lij ásadiddje, ja njunnjusj Aline Mikkelsen rabáj seminárav. Semináran lidjin birrrusij nielljalåges.

Divna oassálaste lidjin gulldalime Májá Dunfjeldav Same allaskåvlås, Bjørg Evjenav Råmså universitehtas, Inga Maria Mulkav Ájtte dávvervuorkás Jåhkåmåhken, Kaja Andersenav Ájluovtas, ja Mai-Liss Åstot Kantav Nerskogenis Trøndelágan. Nuppe biejve gulájma Oddmund Andersenav Árranis, Dikka Stormav Råmså dávvevuorkás. Lars Børge Myklevold Árranis vuosedij divna guossijda Árrana dávverijt.

Semináran lidjin ålos tjoahken. Seminárra álgij gasskaváhko bårådimijn, ja vibáj iehkedij gudábájkkáj. Iehkedis vas tjåhkanin ulmutja mállásav båråtjit.

Maja Dunfjeld hålaj sáme ornámentihka birra. Sån javlaj divna ma li tjáledum ja sárgodum adná signálajt. Tevsta ja symbåvlå la mijá birrusijn dálla, ja da vaddi aj signálajt.
-Ornámentihkka la symbåvllå ja tæksta, ja mij hæhttup dajt åtsådit váj máhttep bisodit ja åvddanit sáme dájdav ja árbbedábijt. Jus galggap åvddanit dajna, hæhttup máhttet dålkkut sáme ornamentikkav. Ornamentihkas gávnnu moadda slája, duola dagu symbåvlå, merka ja girjaga, giehtoj Maja Dunfjeld.

Bjørg Evjen la oahpes Divtasvuonan. Sån la tjállám Divtasvuona histåvråv, ja semináran Árranin subtsastij sámehiståvrå birra, gåktu same lij viessum rájá nuppe bielen Svierigin, ja Divtasvuonan.
-Rádjá sieradij ulmutjijt, valla sámijda ij lim navti. Sámijda dánna Divtasvuonan lij nav: ”lapp kan vara lapp” ja ij ”lapp skall vara lapp” dagu Svierigin, subtsastij Bjørg Evjen.

Evjen aj giehtoj sáme åvddåla máhttin låhkåt sámegielav buorebut gå dárogielaga máhttin dárogielav låhkåt.

Inga Maria Mulk håladaláj ja tjielggij luondo merkaj ja symbåvlåj birra, madi Kaja Andersen giehtoj sáme duoje, tradisjåvnåj ja suv mánnávuoda birra.

May-Liss Åstot Kant, aktan ietjas niejdajn Ristin, giehtojga symbåvlåj ja bájnoj birra. Ristin la 2 jage vádtsám Jåhkåmåhken duodjeskåvlån, ja dálla l sån praktikánnda iednes duodjjeviddnudagán.

May-Liss bajás sjattaj Jåhkåmåhken, ja årru dálla Nerskogenin. Sujna l ællo, ja duodden aj duodjuj. Ristin la nuorra duodjár, ja subtsastij duoje máhttelisvuoda birra. Ristin giehtoj gåktu máhttá dahkat jus sihtá duojev skåvlåj ja bargoj tjadá oahppat, ja gåktu l duodjárin barggat.

Nuppe biejve álgij seminárra árrat, ja hiejtij bårådimijn åvtå bájken.

Oddmund Andersen subtsastij makkir dávvera li gávnnum mijá dáfojn ruovddeájge ja bronseájge gaskan. Giehtoj aj unnán vikingájge ja gasskaájge birra.

Dikka Storm hålaj sáme kultuvra birra, kultuvrra mij lij unnán ådå ja amás sunji. Sån vuosedij moadda girje sáme ornámentihka birra. Dajt girjijt aj Árranin gávna.

Seminára mañutjissaj doalvoj Lars Børge Myklevold divna seminára oasseválldijt dávvervouorká tjadá, ja vuosádaláj ja tjiegñalisát tjielggij dávverij birra.

Divna dá håladallama li vaddám midjij ådå máhtudagáv, ja moadda lågådallij mielas lij dát seminárra buorre oájvvádus. Akta oájvvádus lij aj dáhkat ienep dáhkkár seminárajt.