Tor Magne Berg la Divtasvuona giellaplánajn barggamin, ja jáhkká iesj dajna dálvváj gærggá.
Giellapládna jådon
Divtasvuona suohkana giellabarggo, mij guosská sámegielav, la jåhtuj boahtám. Ælla ájn giellakonsulentav virggáj oadtjum, valla suohkan la huoman plánav dahkamin gåktu galggi sámegielav tjalmostahttet. Dát giellapládna galgaj juo gárvvásin liehket javlajda, valla pládna l maññunam, ja jáhkedahtte gárves esski dálvveguovlluj.
Norsk kortversjon/Oanegis dárogiellaj
Lokalavisa NordSaltenlokalavisa@nord-salten.no
Sander Andersen
Pládnabarggo bådij jåhtuj dán tjavtja, ja prosjæktabargge Tor Magne Berg, guhti l suohkana giellaplánajn barggamin, subtsas pládna ij la ájn ållu gárves. Berg giehttu moadda ássje li åvddåj boahtám gå la maññunam.
-Ienemus åsijn lav juo gærggam, valla hæhttuv ájn plána tjadá snivva mannat vaj oattjov divna unnep åsijt mañen, subtsas Tor Magne Berg.
Berg jáhkká giellaplánajn la gárves vuostasj mánujn ådåjagen, ja ij ga sidá giehttot majdik plána birra – dal ájn.
-Mujna ælla sivá plána birra almulattjat giehttot åvddål gå dajna gergav, javllá sån.
Divtasvuona suohkan oassálasstij sáme giellaháldadusguovlluj ådåjagij rájes, ja giellapládna l vædtsak sámegiellaaddnuj suohkanin.
Eiendom
Stillinger
Aktiviteter
Bedrifter
Foreninger
Mest lest
Siste
Annonser
Chat
