Lokalavisa NordSalten
lokalavisa@nord-salten.no Sander Andersen

næringsliv

Steigen Vekst AS

Infoside

Vi gir mennesker muligheter og skaper verdier i lokalsamfunnet

Din bedrift her? | Flere bedrifter

Anders Eira gierddisvuohta l nåhkåmin. Juska l boahttsuj viessomájgev barggam, gullá dagu ij desti visjá. Bárnijniská libá boahttsuj Oarjje Fuoldá ja Stájgo gaskan jåhtåm, valla ij sidá urudisájt biebbmat, ja dajna de vilá hæhttu boahttsujt dálvveguohtomin Stájgon guododahttet jagev birra.

Oajválattja li esski mierredam galggi gierkev Lånjinjárgas gádodit gånnå Anders Eira giesseguohtom la. Valla dat la dåssju akta gierkijs mij la suv boahttsujt gádodam. Dijmmá biestijga bárnijniská 270 boahttsu. Jagev åvddåla 317. – Lånjinjárgan lij vuojnnám 4 gierke. Duodden li aj albatja ja goasskema. Juska gádodi avtav niññelis gierkev tjivgajisá, ij la dat huoman mige, ja dajna de iv vilá duosta Lånjinjárggaj jåhtet, subtsas Anders Eira.

Vájk gåktu, de ij Anders Eira máhte dán gidá boahttsuj jåhtet. – Da la guokti jahkáj gå boahttsu galggi ålles ráfev, gå la njoallomájgge gidán, ja vat tjavtjan, ragátmutton. Njoallomájgge l vuoratjismáno maññegietjen, ja diedon dal ij dåhkki dálla jåhtegoahtet. Buorep guohtom la dal Lånjinjárgan, ja sidáv jåhtet, valla iv de visjá urudisájt biebbmat, ja ij la ga dåssju javllat galga biejven jåhtet, javllá Anders Eira.