Lokalavisa NordSalten
lokalavisa@nord-salten.no Sander Andersen

Annonse fra Steigen Vertshus AS

Middagsbuffét

Les mer

Hver søndag kl. 13-18 har vi middagsbuffét til kr. 185,-. Velkommen!

Din annonse her? | Flere annonser

Hellmocup dal dán jage aj ásaduvvá, ja moadda juohkusa oassálassti. Ållu álgos lijga guokta juohkusa gudi bállov tjiektjin Vuodnabadá jalgan; ”Ytre” ja ”Indre”. ”Ytre” la tjuovvum Hellmocupav divna jagijt gå ásaduvvama li læhkám, ietján gå 2-3 mañemus jage. E ga dán jage oassálaste.

Valla ”Ytre” åvdås oassálasstá vuorrasap tjiektje sierra juohkusin, ja dan juohkusij lij aj sierra namáv biedjam. ”Eldrebølgen” li dav gåhttjum.

Gåktu vierttip dádjadit ælla dal ållu nuorra tjiektje dan juohkusin, ja Hellmocupa generálla Peter Mikkelsen subtsas dát juogos la aj vuododuvvam suohttasa diehti.

-Diedáv galggi aj suohttasijt hittit, ja dan diehti aj oassálassti suohttasa diehti, valla buorre tjiektje dal aj dánna gávnnuji, ja vájbi vuojtti ålles HC’av? giehttu Mikkelsen.

Dán jagásj Hellmocup ásaduvvá bierjjedagá ja lávvodagá, snjilltjamáno 21. ja 22. biejve, ja dagu iemeláhkáj la Måsken.
2 nissunjuohkusa ja 6 ålmåjjuohkusa galggi tjiektjat. Duodden aj nuorajjuohkusa, nejtsutja ja báhtjatja.
-Tjiektjagoahtep 12-bájken bierjjedagá, ja finálla ásaduvvá lávvodakiehkeda, ij åvddål kloahkka 19, subtsas HC generálla.
Hellmocupa jådediddje ij jáhke nav ålos båhti dán jage, ja ij ga diede manen.

-Sjaddam la ber nav. Vuojnniv dal dijmmá, binnum la jages jahkáj, ja iv mån diede manen.
Måsken le nav hávsske, sierraláhkáj gå ulmutja æjvvali dagu dan vahkkolåhpan. Ja e dal divna bállov tjievtja, juska dal dan ásadusá diehti tjåhkanip, javllá Mikkelsen.
HC’a la árena gånnå ælla alkohola ja gånnå ij oattjo juhkat jali ietjáláhkáj vuollagin gámssut, ja dat la aj sierra mærkkan dan bállotjiektjamásadusán.