Lokalavisa NordSalten
lokalavisa@nord-salten.no Sander Andersen

Annonse fra Steigen Vertshus AS

Sulten?

Les mer

Ring 75 77 73 00 for bestilling av pizza, hamburger, biffsnadder og mer.

Din annonse her? | Flere annonser

Mañemus jagijt lij lavnjijt bajedam ja ednamav bállám. Guoradallam lij sáme histåvråv Nordlándan. Guoradallamijn lij gærggam, dåssju diedádusá li vil tjállet. Oddmund Andersen, gut bæjválattjat la Árrana dávvervuorká jådediddje, la friddja dat bargos bessam dájt mañemus jagijt gå la barggam prosjevtajn nuppij guoradallij siegen. Sij li Nordlánda histåvråv divvomin, sierraláhkáj mij guosská histåvråv sámij birra. Andersen la lagábut gæhttjam merrasámij ja sisñelsámij histåvråv dålusj ájge, sierraláhkáj Nuortta Sálton.

Hábmera suohkanin

Tjoahkkáj lij guhtta guoradalle oassálassám dán prosjæktaj Råmså universitehtas, Lofotmuseas ja Árranis. Konservator Oddmund Andersen la Árrana bieles barggam. Guoradalle lij prosjevtav gåhttjum ”Etnalasj relásjåvnå Nuortta Nordlándan histåvrrålasj vuojnon”, ja lij ienemusát Vuona bielen guoradallam. Valla Svieriga bælláj lij aj gæhttjam. Dát nieljejáhkásasj prosjækta l juo vargga gietjen. Divna ålggobargoj lij juo gærggam.

Prosjækta l moattefágálsj, ja guoradalle lij gæhttjam histåvråv, árkeologijav ja sosialantropologijav. Divna institusjåvnå lij aktisattjat dán prosjevta birra barggam.Gássjel la dal universitehta ålggolin barggat gånnå tjállagijt ja girjijt gávnav. Dan diehti hæhttu mujna liehket sierra girjjevuorkká, tjielggi Oddmund Andersen gut la ietjas guoradallamijn gærggamin ja histåvråv ietjájduhttemin.

–Oassediedádusájn lip juo gærggam, galggi dåssju prienntiduvvat. Duodden la nubbe oassediedádus ja aj oajvvediedádus dán prosjevta birra mij esski tjaktjaj almoduvvá, subtsas Oddmund Andersen. Andersen la Sluñkán ja Vielggisbávten, Hábmera suohkanin ednamav bállám ja lagábut gæhttjam dav majt dajn bájkijn gávnav. Dijmásj tjállusin ”Bårjås” la oasse dát guoradallamis tjáledum.

Histåvråv ietjájduhttemin

-Muddo l dal ietjájduhttet moallánagáv ”boatsojsáme li sisijådo dán rijkkaj”. Lágñet la gal agev læhkám javllat ællosáme hæhttujin Svierigis jåhtet gå lij nielggeájgge dåppen. Valla viessoma ietjájduhttem rájá dån bielen dagáv nav vaj muhtema sihtin jåhtet. Nielgge ja ruhtadille lij dal aj sivvan dasi, valla jáhkedahtte lidjin aj politihkalasj ietjáduhttema, subtsas Andersen dán ietjasij guoradallama birra.

Andersena guoradallam aj subtsas ællosáme gudi nuorregáddáj jåhtin ettjin boahttsuj hiejte, valla joarkkin ællobargujnisá juska dal huoman guollihin. –Gå ællosáme merragáttijja jåvsådin, de ettjin huoman ælov ållu gádoda, valla ællobarggo dal ietjá dille vuolláj maññenagi bådij. Juska vil nuorre ienemusájda viessomlájbev vattij, de ájn vil muhtema biebbmoboahttsujt guododahttin nuppij æloj siegen. Nav de boahttsu ja ællobarggo maññenagi Vuona bielen binnoj, javllá Andersen.

Dát guoradallam dal histåvråv ietjájduhttá, sierraláhkáj mij guosská histåvråv sámij birra. – Nordlándan ælla heva guoradallam mij guosská sámij histåvråv, ja dát mijá barggo dal diedon histåvråv ietjájduhttá. Juohkka bále gå lavnjev bajedip, de la juoga ådå majt dahkap, ja ådå histåvrrå vuojnnusij boahtá, ja de dajna aj ådåsis viertti tjáleduvvat. Ja dan nali de vat máhttep guoradallamijn joarkket ja histåvråv joarkket, javllá Andersen gut la Bjørg Evjena, Marit Myrvolla, Bård A. Berga, Lars Ivar Hansena, Jannike Olsena ja Alf Ragnar Nilsena siegen oassálasstám dán prosjæktaj.

Ja Oddmund Andersenan li aj ájádusá guoradallamkonferánsav ásadit Árranin snjuktjamánon gånnå galggi ságastit temá birra ”Majt galggap guoradallat, ja majt galggap vieledit”.