Lokalavisa NordSalten
lokalavisa@nord-salten.no Sander Andersen

”Sea Tiger” la vantsa namma gånnå Martin Paulsen la vuostasjstyrmánne. Gåvvå: Ietjanis

Annonse fra Steigen Vertshus AS

Kakebuffét

Les mer

Hver lørdag kl. 10-16 har vi kakebuffét til kr. 85,-. Velkommen!

Din annonse her? | Flere annonser

Sån la vuostasjstyrmánne bierggas- ja sliehpimvantsan mij vargga dåssju ålggorijkajn manná. Soajttá aj muhttijn manni dajn rijkajn gånnå merrarievvára ulmutjijt giddiji ja rudájt dajs gájbbedi.

Bårggemánon giddijin merrarievvára guokta vuonaga gudi lijga sæmmi lágásj vantsan gå Martin Paulsen Divtasvuonas. Dát dahpáduváj Nigeria merragátten Afrihkán. Da guokta gudi giddiduvájga besajga vat vahko duogen. Ja vuorbálattja lijga gå dat dahpádusás viesso besajga.

Dát dahpádus la dal diedon Martin Paulsena mielav duohtastam juska dal Paulsen ij maná sæmmi vantsajn jali jur sæmmi dáfojn gå då guovtes gudi giddiduvájga.
-”Muv” vanntsa ij la Nigeria merragátten goassak mannam, ja ij ga galga dale dajda bájkijda mannat. Dajna lav de ávon gå dale dakkár dáfojn ep dárbaha mannat. Galggap huoman Afrihká merragáttev mannat, valla ij de dajn bájkijn gånnå diehtep merrarievvára li. Dajna de iv jahke ”ietjam” vanntsa merrarievvárijda boahttu, valla ij má huoman diehttu, javllá Martin Paulsen gut la ávon gå la sujna dakkár barggo gånnå bæssá ålggorijkajn mannat ja væráldav birra gålggåt.

Paulsen la juo værálda nuppe bielen mannam ja aj merrarievvárijs gáhttim, valla ij la goassak dajt vásedam. Paulsena mielas ij ”suv” vanntsa goassak maná dale dajn bájkijn gånnå merrarievvára raddjuji. Duodden manni nav ierit merragáttes gånnå e sijáv jåvså.

Jus soajttá boahttuji, de la ájnna værjjo buollemslanga.
-Jus båhti, de la miján buollemslanga majna máhttep rievvárijt nuorráj dåjddet. Ietján dal ælla miján máhttelisvuoda juojnak suodjalit. Valla jus la merrarievvárijn birsso, da ep duosta åvvå majdik dahkat, subtsas Martin Paulsen gut la juo ájádallam majt galggá barggat jus boahttuji.

Jusga guokta virggekollega giddiduvájga Nigerian bårggemáno, ij la huoman Martin Paulsen balon dat galggá sujna dahpáduvvat. –I dal dåhhki balon liehket, valla ij dal dat diehttu. Dåhkki dal ”muv” vantsajn aj dahpáduvvat sæmmi gå ietjá. Ávon lav gal gå besav Angola ja Nigeria merragátten mannat. Danna l má værámus, javllá sån.

Sådnåbiejve vat Martin Paulsen manná vanntsaj. Dán bále galggá Dakaraj mij la Senegalrijkan. Ja dán bále galggá Nuorttamerraj mannat aktan da 11 ma lij Paulsena siegen vanntsan ”Sea Tiger” mij la ”dåssju” 74 miehtara guhkak (Bijllafærjjo ”Virak” Gásluovta ja Ájluovta gaskan la 84 miehtara guhkak).
-Gå hæhttup, de hæhttup, valla ij de dåhkki balon liehket, javllá Martin Paulsen mañutjissaj ja ávvus lieggasap rijkajda mannat.