Lokalavisa NordSalten
lokalavisa@nord-salten.no Sander Andersen

Annonse fra Steigen Vertshus AS

Middagsbuffét

Les mer

Hver søndag kl. 13-18 har vi middagsbuffét til kr. 185,-. Velkommen!

Din annonse her? | Flere annonser

7 jage dás åvddål ittjij buvte sámástit. Dajna de julevsámegielav låhkågådij. Uddni l iesj åhpadiddje, ja gæhttjal sámástit vaj giellaj ájn vil buorep hárjján.

Sån la julevsábme, valla ij la huoman ietjas iednegielav oahppam åvddål gå julevsámegielkursav váttsij jagen 1999. Sujna lij dalloj gássjel dádjadit majt ulmutja giehttun, valla mierredij galgaj gielav oahppat nav vaj máhtij ienebut sáme sebrudagán oassálasstet. Valla ittjij de dalloj diehtám galgaj åhpadiddjen sjaddat.

Sara Aira Fjällström álgij giellakurssaj gånnå Karin Tuolja lij åhpadiddjen. Dálla iesj barggá åhpadiddjen, ja galggá vat nuppijt mañen válldet dan sæmmi giellagæjno milta majt iesj la mannam.

-Iv la de bárep ietjam iednegielav berustam, ja dajna iv la ga buktám sámástit. Gå Karin Tuolja muv åhpadij 7 jage dás åvddål, de smaredij giellaberustibme mujna. Dajna de julevsámegielav oahppiv ja giellaj hárjjániv, subtsas Sara guhti dálla åhpadiddjen barggá. Sara gæhttjal agev sámástit. Nav sån giellaj hárjján.

-Nuortakgielan la fábmo Jåhkåmåhken, ja dan diehti de dat ienemusát gullu. Valla gæhttjalip gåjt julevsámegielav låhkåt ja vat nuppijt oahppat. Dálla dåbdåv dagu giella dæhppum la, ja suohtas la val gå besav sámástit ietjam iednegiellaj, javllá Sara guhti l ietjas oahppij Divtasvuonan dán vahko mannam.

Oahppe Sáme åhpadusguovdátjis mannin Divtasvuonan dán vahko. Gåvån li báktegåvåjt Læjknásjen Divtasvuonan gæhttjamin.