Lokalavisa NordSalten
lokalavisa@nord-salten.no Sander Andersen

opplevelse

Kystfolkets Helg

Den 21.-22. juli er det duket for tidenes største Kystfolkets Helg i Helnessund, hvor selveste Ketil Stokkan og Tore Hansen står for rytmene til bryggedans på lørdagskvelden.

Les mer

Din opplevelse her? | Flere opplevelser

Dan diehti l Jielleváre suohkan Divtasvuona suohkanij girjev tjállám ja gatjádam jus dåhkki sámegiellakursav sijá barggijda aj ásadit. Divtasvuona suohkan ja Stig Eriksen sihti dáv dievnastusáv Jiellevárráj vuobddet, ja vájbi tjavtja guovlluj dát åhpadibme jåhtuj boahtá.

Gidádálven

Taxiijn hæjttáIdar

Taxi Måsken sjattaj riek oahpes gå Discovery channel sáddij filmav dan birra, valla ittjij de dat huoman Idar Mikkelsenav boanndoda. Dajna de Måske taxi sjaddá histåvrrå. –Mån lav 16 jage taxiav Måsken dåjmadahttám, valla iv desti vuojne sisboadov dassta ja iv desti elja dav dåjmadahttet, subtsas taxiæjgát.

Gidán

Universitehtaåhpadibme ÁrraninUniversitet på Drag

Direktørra Stig Fossum Bådødjo Allaskåvlås, Árrana stivrranjunnjusj Tone Finnesen, dekanus Asbjørn Røiseland Bådødjo allskåvlås ja Árrana direktørra Filip Mikkelsen gæhttjalin gávnnat tjoavddusav julevsáme allaskåvlå åhpadibmáj. Vájbi sjaddá universitehtaåhpadus Ájluovtan?

-Miján la juo nanos vuodo dákkár fálaldagáv dájda bájkijda ásadit, ja åvddåprosjekta l juo jådon. Vuorddedahtte l gergas soames máno duogen, javlaj mielos allaskåvlå dierktørra dalloj.

Gidágiesen

Boahttsu Svieriga bieles Vuona bællájThomas

Ællosáme Vuona ja Svieriga bielen rijddalin gå ællosáme Svieriga bieles sihtin ietjasa ælojt Vuona bælláj guododittjat. Sij vuosedi láhkaj 1751 jage rájes. Soames ællosáme Vuona bielen sihti aj guododahttet ietjasa ælojt Svieriga bielen, ja dassta de rijddo sjaddá. Thomas Labba la ietjas elujn ganugam vuolládagájda. Ij duosta várijda elujn jåhtet. Ballá Svieriga bælláj massá, ja sijá boahttsu sehkani svenska boahttsuj ja nav de lulu láhppuji.

Giesen

Sáme báhkodáhtátjoahkke rabáduvvamSpråkstyret

Sámedikke giellastsivrra: Nora Marie Brandsfjell, Rolf Olsen, Magne Einejord, Karen Monica Paulsen ja Tor Magne Berg oassálasstin gå sáme báhkodáhtátjoahkke www.Risten.no rabáduváj. Dát báhkodáhtátjoahkke la næhttabielle gåsi divna sáme bágo julevsáme-, nuorttasáme- ja oarjjelsámegiellaj biejaduvvi ja gånnå aj máhtá åhtsåt juogu dal bágov jali gåktu bahko såjåduvvá.

-Dán báhkodáhtátjoahkken li juo12.000 bágo, ja dát la ræjddo giellabarggijda ja diedon aj iehtjádijda gudi gielav berusti, javlaj Sámedikke giellastivtra ájras Karen Monica Paulsen åvdås gå almulattjat dáv næhttabájkev rabáj.

Tjaktjagiesen

Sihtá julevsábmáj girjijt tjállegoahtetNorbert

24-jahkásasj ungáralasj studænnta Norbert Kiss la sámegielav låhkåmin, ja guoradallamin ungára-, suoma- ja sámegielav. Sån sihtá girjijt julevsámegiellaj tjállet, ja aj ietjas giellaj sáme girjijt jårggålit. –Dát la muv gáppte, ja guláv dagu aktijvuodav sámij, javllá sån ja vuoset ietjas nasjunálgárvov. Sån aj sihtá julevsámegielav adnet gå galggá novellajt tjállet ja girjijt jårggålit. Giesen la Divtasvuonan mannam sámegielav buorebut åhpatjit ja sámij buorebut oahpástuvvat.

Tjavtjan

NSR–BB  2-1Miriam

Miriam Paulsen ja Tone Finnesen bájkálasj NSR-listas ja Anders Urheim BB-listas li da gålmmå ájrrasa Gasska Nordlánda válggaguovlos boahtte válggagávdan Sámedikken.
4 lista oassálasstin dán jagásj Sámedikkeválggaj dán guovlon. Sálto Sámesiebrre – NSR oadtjun 208 jiena, Barggijbelludahka 113 jiena, Gasska Nordlánda Doarespoltihkalasj lissta 38 jiena ja Sáme válggalihtto 11 jiena.

Tjaktjadálven

Ep dal ájn diede jus girjjetjállen sjaddapSamlet rundt forfatterne

Sjattaj ållu hávsskes båttå gå sáme girjjetjálle goarrihin Strávnjunje skåvlån gasskavahko, ja oahppe Isabell, Katja, Are, Tony, Sivert, Tor Ivar, Andreas, Silje ja Birgitta oattjojga gullat gånnå sámegiella aneduvvá, gåktu máhtá buorre subttsasav dahkat. Giella l aj ietjá gå dav majt dåssju njálme tjadá buvtá, ja dáhpádusás ja åtsådallamijs gitta tækstaj la guhka, roañkok bálges, ja unna Strávnjunjátjis dåhkki aj geldulasj subttsasav dahkat. Tjálle sihtin oahppijda subtsastit vehik máhttelisvuodaj birra jus sidá tjállen sjaddat.