Njálmálasj hárjjidallam dåjmaj tjadá
Knut Hamsun joarkkaskåvllå, aktisattjat Sáme æjgátværmástagájn ja Divtasvuona suohkanijn, ásadi giellabiesev Svieriga bielen 24.-29. biejvijt dán máno.
Dát giellabiesse la álggijda, ja aj dajda gudi gielav máhtti. Giellabiesen galggi oassevállde hárjjidallat njálmálasj julevsámegielav dåjmaj tjadá sáme birrusijn.Jus sidá mañen, viertti Knut Hamsuna joarkkaskåvlåv, sáme åssudagá baktu, diededit. Giellabiesse ásaduvvá prátihkalattjat Jielleváren ja Jåhkåmåhken.