Ájluovta skåvlå 8. klássaga baktu: Silja Mikkelsen, Anders Kristian Kalstad ja Markus Mikkelsen
Ságájdahttem Aline Mikkelsenijn
Aline Mikkelsen la njunnjusj siebren “Duodje Nordlannda”, ja la iesj duodjár. Sån årru Ajluovtan Divtasvuonan.
Norsk kortversjon/Oanegis dárogiellaj
Manen sihti dån duojijn álgget?
-Mån ittjiv máhte majdik, ja danen sihtiv ienep oahppat.
Majna lijkku buoremusát barggat?
-Buoremusát lijkkuv sasnijn barggat.
Manen dån aná duodjekursajt?
-Danen gå dåssju gallegattja máhtti, ja danen gå nuora aj galggi oahppat.
Mákkir åhpadus la dujna?
-Guokta jage Sámij Álmmukallaskåvlån Jåhkåmåhken, ja de lav avtav jagev oahppam turisma birra. Duodden lav aj nágin unnep kursatjijt vádtsám.
Daga dån dåssju dábálasj duojev?
-Iv.
Mij mielastuhttá duv ådådahkkuj?
-Árbbedáhpe muv mielastuhtta.
La gus duv mielas ájnas nuorajda oassalasstet dán seminárraj?
-Muv mielas la, danen gå sij galggin oahpástuvvat sijájn gudi ságasti, ja galggi mielav oadtjot duodjáj.
Le gus juojdá ietjan majt sidá subtsastit duoje birra?
-Duodje ij la dåssju gáppte ja nijbbe ja dakkira. Duodje aj subtsas ållo luondo birra. Dijá mielas ij la dávk nav suohtas dálla, valla muv mielas galgajda astov váldet duodjuhit.