Lokalavisa NordSalten
lokalavisa@nord-salten.no Sander Andersen

Filip Mikkelsen la gárves joarkkaskåvlåv ásadit dan institusjåvnån majt sån jådet.

Siri Nystø Ráhka guhti l sáme åvdåstiddje oahppijráden Knut Hamsun joarkkaskåvlån javllá buorep la Ájluoktaj sáme fálaldagáv biedjat.

Julevsáme joarkkaskåvllåfálaldahka; Árranij jali Knut Hamsun joarkkaskåvllåj?

opplevelse

Vestfjordseilasen

Norges nest største seilas, fra Nordskot i Steigen og tvers over Vestfjorden til Kabelvåg.

Les mer

Din opplevelse her? | Flere opplevelser

Vájbi ásaduvvá julevsáme joarkkaskåvllåfálaldahka julevsáme guovdásjguovlon skåvllåjages 2008/2009. Nordlánda Fylkkadigge galggá dáv ássjev giehtadallat javllamáno 4. biejve. Ævtodus la ásadit gålmåjahkásasj joarkkaskåvlåfálaldagáv fágajn mediá ja kommunikasjåvnnå Knut Hamsun joarkkaskåvlå vuolláj, valla fylkkadigge ij ájn mierreda gånnå fálaldahka galggá biejaduvvat; Hábmerij jali Ájluoktaj Divtasvuonan.

Gájkka Ájluovtan

Dát joarkkaskåvlåfálaldahka galggá vuodon adnet julevsáme gielav ja kultuvrav, ja galggá aj gåtsedit sáme sebrudagá dárbojt máhtudagá gáktuj.

Sáme åvdåstiddje oahppijráden Knut Hamsun joarkkaskåvlån, Siri Nystø Ráhka, vuojnná dájt prinsihpajt ij dåhkki ietjá láhkáj tjadáduvvat gå fálaldagáv Ájluoktaj biedjat.

-Jáhkáv galla dát joarkkaskåvllå gånnå dálla váttsáv nahká sáme fálaldagáv joarkkaskåvlå oahppijda fállat, valla muv mielas la huoman buorep jus sjaddá Ájluovtan dajna gå ienemus oasse julevsámijs Ájluovtan årru, ja danna l aj giella ja kultuvrra viesso. Ájluovtan la má gájkka mij guosská sáme sebrudahkaj mijá guovlon. Duodden la buorak drop out-gássjelisvuoda diehti jus Ájluovtan sjaddá. Vájbi ienep oahppe joarkkaskåvlåv tjadádi jus fálaldahka Ájluoktaj biejaduvvá, javllá Siri Nystø Ráhka guhti iesj nuppát jagev joarkkaskåvlås la tjadádime.

Knut Hamsun js jådet

Ássjegiehtadallamin tjállá fylkkaráde ij la duhtalasj joarkkaskåvlåfálaldahka julevsáme oahppijda gånnå giella ja kultuvrra vieledalli. Ájnas la dan diehti fylkkadigge åvddånimev hiebat giela, kultuvra, ja sebruda gáktuj, nav vaj julevsáme nuora oadtju ietjá máhttelisvuodav mij guosská joarkkaåhpadibmáj. Ájnas la aj dát årnik jåhtuj boahtá nav ruvva gå máhttelis. Rudáj diehti biejaduvvá Knut Hamsun joarkkaskåvlå vuolláj.

Birrusa julevsámij gaskan li måttijt jagijt ássjijn barggam julevsáme joarkkaskåvlåv julevsáme guovdásjguovlluj åttjudit.

-Doajvov julevsáme fálaldahka joarkkaskåvlådásen Ájluoktaj biejaduvvá nav vaj skåvllå oadtju oalle sáme sisanov sáme birrusijn. Ájnna sadje gånnå dav oadtju la diedon Ájluovtan gånnå l juo sáme infrastruktuvrra. Geldulasj la aj gæhttjat jus la viehkken drop out-gássjelisvuohtaj joarkkaskåvlå oahppij gaskan, javllá direktørra Filip Mikkelsen Árranin.

Árran la dáv ásjev prosjevta tjadá jådedam jagen 2003.

-Jus la sáme fálaldahka, de aj hæhttu sáme birrusijn liehket. Dat la dal álgge ájádallat, javllá Mikkelsen guhti aj sihtá fylkkadigge galggá mierredit gåsi dát joarkkaskåvllåfálaldahka galggá biejaduvvat.
-Doajvov fylkkadigge ij luohteda bájkálasj birrusijda dajna rijddalittjat, valla mierredij aj gånnå joarkkaskåvllåfálaldahka galggá biejaduvvat, javllá Mikkelsen.