Lokalavisa NordSalten
lokalavisa@nord-salten.no Sander Andersen

Rituála dal aj gávnnuji válda birra, ja dan birra aj Árrana dávvervuorkán galggi vuosádusáv dahkat.

folkets bilder

Kråkmofjellet

Flere bilder

Det våres, det våres! Foto: Bente Ellingsen

“Gierkkamis hávddáj” la seminára namma mij Árranin ásaduvvá gålgådismáno 10. biejve. Seminárra l ritualaj birra, ja la oassen stuodavuosádusá åvddåbargos. Vuosádus mij ruvvaláhkáj Árranin sjaddá la iellema iesjguhtiklágásj rituálaj ja dijdaj birra duola dagu riegádime ja gástadime birra, skallujlåhkåma birra, ja váldaj ja jábmema birra. Rituála li vuoge ájnegis ulmutja viessomájgev mujttádahttet ja hábmedit, valla aj fámiljaj ja sebrudahkaj.

-Mañemus lahkke oasse stuodavuosádusás la ållu álgon. Dajna de gåhttjop seminárraj mij galggá gåvvidit dáv boahtte vuosádusáv. Dáv vuosádusáv lip gåhttjum “Gierggamis hávddáj”, ja seminárra l åvddåbarggo vaj galggap ietjama ájádusájt dán vuosádusá birra tjuovggistit, subtsas Anne Kalstad Mikkelsen Árrana dávvervuorkán.

Árran sihtá dájna vuosádusájn tjalmostit “sisñelasj gielav”, dav ájádusværáldav massta ulmutja li oase, ja hásstalus la dal Árranij dakkár vuosádusáv dahkat.

-Mijá gaskan li dal moadda dijda ja rituála dat rájes gå mánná riegát ja gå namáv galggá oadtjot, gitta jábmemij ja hávddádibmáj. Dajna lip gåhttjum buoremus guoradallijt diehki Árranij giehtotjit dákkár ássjij birra. Ja mån lav mihá gå lip aj nahkam oadtjot buoremus guoradallev gadnihij ja sájvaj birra diehki. Mån lav sihkar dát sjaddá buorre ja ávkálasj seminárra, subtsas Kalstad-Mikkelsen.

Ja vuosádus galggá boahtteájge dievddet lahkke tjællárav Árrana dávvervuorkán.

Dájna lahkanimijn sihtá Árrana dávvervuorkká vuosádusá baktu dættodit vuojññalasj oasev kultuvras.
-Gatjálvisáv mav sihtap vásstedit ij la massta viessop, ájnat man åvdås viessop. Ulmusj la guovdátjin ja dávvera ma galggi vuosádussaj, aneduvvi viehkken sissñálasj duohtavuodadádjadusáv åvddån buktet, javlá Kalstad Mikkelsen.