Lokalavisa NordSalten
lokalavisa@nord-salten.no Børge Strandskog
lokalavisa@nord-salten.no

Karianne Olsenin le Bachelorgráda mannoæládusán, sujna le oajvvevásstádus konseptas ásadibmáj Hábmerin.

Ælloniehkke Mathis Anders Eira sjabmu plánajda Habmerin. Sån sjaddá stuorámus aksjonerra jus prosjækta ja ásadibme jåhtuj boahtá.

Annonse fra Steigen Vertshus AS

Sulten?

Les mer

Ring 75 77 73 00 for bestilling av pizza, hamburger, biffsnadder og mer.

Din annonse her? | Flere annonser

Sverre Harald Eriksen, Karianne Olsen, Hans Petter Christensen, Magnhild ja Bjarne Nystad ja ælloniehkke Mathis Anders Eira Oarjjefuoldás/Stájgos li álgadiddje prosjevtas, mav doajvvu li bårggemánon 2007 jåhtuj oadtjum. Mañemus nammadum sjaddá stuorámus aksjonerra gå- ja jus- ådå viddnudahka jåhtuj boahtá. Dåssju dåjmalasj ælloniehke máhtti boattsujt æjggut, dan diehti Eira oassálasstem le gájbbádus jus galggá jåhtuj boahtet.

Mathias Anders Eira le boattsuj barggam 1995 jage rájes. Suv mielas ájádus boatsojsaljujn Hábmerin le buorak. Sån le juo 12 boahttsujt válljim ja dajt vuodjemhierggen dámadattjám. Dát la álkes valla guhkes barggo:

- Hæhttuv váttsatjit boattsujn báddegietjen, ihkap moadda tijma juohkka biejve, subtsas Eira. Hierge ma galggi dåjman aneduvvat hæhttuji buorrenálána ja låje liehket, váj máná ja ållessjattuga máhtti dajt duohttat ja biebbmat.

Ij la ájn mierreduvvam gåsi boatsojsalljo mañemussaj ásaduvvá, valla álgadiddje sávvi máhttelisvuohta le dav ådå, eksotalasj saljov Ulvsvågskárddáj ásadit.

- Skárdde vuojnnu hiebalasj sadjen, sierraláhkáj mattelisvuodajn lájggitjit IL Sørulfa tjuojggamhyhtov. Ep la ájn låhpalasj vásstádusáv válastallamjuohkusis oadtjum. Hæhttup diedon aj ednamæjgádij ságastit åvddål máhttep joarkket bargujn, tjielggi Sverre Harald Eriksen, ja nammat Duorbunáse-alludagáv nubbin hiebalasj sadjen.

Karianne Olsenin le Bachelorgráda mannoæládusán, sujna le oajvvevásstádus konseptas ásadibmáj Hábmerin.

- Sihtap reklamerit navti váj sihke nuorajda ja vuorasappojda jåksåp. Vuostatjin sjaddap tuvrrajådediddjijt, mannoæládusjournalistajt ja mannoæládusviddnudagájt vuosádallamij válldet. Jus hárjjesváles ájn Divtasvuodnaj boahtteájggáj boahtá, vuojnnep aj máhttelisvuodav hárjjesválesdoajmmaj tjanáduvvat, ja dahkat váj turista dájda guovlojda vil avta biejvev báhtsi, javllá Karianne Olsen. Sån vuoset aj máhttelisvuodav Boattsujn ja Ruohttaádjájn aktan.

– Jus lijma ståhkusijt ja dåjmajt boattsu ja ruohttaádjá jahttuj tjánádam ávkken adnet, ja aj dakkir sierralágásj sáme gilpostjerdajt mánájda ja ållessjattugijda, duola dagu sjuohppim ja hierggevuodjem. Oajvveájádus le turistajda vaddet lahkavuodav boahttsuj, dibddet sijáv hiergijn vuodjet ja sidjij sáme biebmov fállat ja sáme souvenijrajt vuobddet – Ja sæmmi båttå åhpadit boahttsu ja boatsojæládusá birra. Dálla lip Mathis Anders Eirajn duodastimfilmav filmmimin, vuosedittjat turistajda gåktu boatsojæládus dåjmaduvvá ålles jagev, dájn guovlojn. Sjaddap aj sáme histåvrå, árbbedábij ja religijåvnå birra subtsastit. Boatsojæládus le ham læhkám ájnas æládus Hábmera suohkanin, ja sáme unneplågo álmmugin le læhkám stuor vájkkudimfábmo sebrudahkiellemij ja árbbedábijda, javllá Karianne Olsen, guhti sávat boatsojsalljo.