Lokalavisa NordSalten
lokalavisa@nord-salten.no Lars Børge Myklevoll/ Børge Strandskog

Subtsas Tjáhppis-Ámmá ja Boatsoj-Piera birra ájgenis tjuorgaduváj ja subtsastaláduváj muhtem Hábmera tjoaggulvistjállagin – dassta le dát tjuorggam viettjaduvvam. (JULIUS FORSAA)

Annonse fra Steigen Vertshus AS

Sulten?

Les mer

Ring 75 77 73 00 for bestilling av pizza, hamburger, biffsnadder og mer.

Din annonse her? | Flere annonser

Moatten sajen Nuortta-Sálton subtsastaláduvvá guovte ælloniehke birra gudi juo?ga boatsojsujtto ássje diehti rijddalatjájga. Ja nav de «Tjáhppis-Ámmá» rijddalattijn «Boatsoj-Pierav» gåttij. Subttsasa milta dáhpáduváj dát Forsanjávren udnásj Stájgo suohkanin, Hábmera suohkanrájá lahka. Javllin Boatsoj-Piera dåhku hávddáduváj, njárggaj man namma le vil uddnik Boatsoj-Pieranjárgga. Subttsasa milta dáhpáduváj dát guokta- gålmmåtjuohte jage dás åvddåla.

Dán «Tjáhppis-Ámmá» birra li moadda subttsasa, ja akta dájs vuoset Ámmá viesoj 1800-lågo álgon. Dallusj sijddaæjgáda Forsanin lijga Lars Hansen ja suv áhkká Barbro. Akti aktan manájga bajás Forsanjávrráj biessitjit. Gå dåhku jåvsådijga, de vuojnijga soames lij juo dåppe biessimin mannam. «Dánna l de Tjáhppis-Ámmá læhkám», lij Lars Hansen javllam. Gå lij sunnu miehttse, de Lars ja Barbro váldijga dav biessev mij lij juo njaldedum ja vuossajdisá tsåkkåjga. Jur gå Lars lij biessijt vuossaj tsåggåm, de lamsedij Tjáhppis-Ámmá miehtses – nijbbe giedan. Lars Hansen de áksjov doahppij vuosstálastátjit, ja de Tjáhppis-Ámmá vas mæhttsáj bádan manáj.

Lars Hansen ja Barbro Olsdatter lijga sijdaæjgáda Forsanin jages 1817 gitta jahkáj 1841, ja danen le árvvedahtte dát dáhpáduváj dán ájgegávdan, jáhkedahtte soames jagen 1820 jagij birán.

Råmså Dávvervuorkká, Universitehta-dávvervuorkká guoradaláj Boatsoj-Pieranjárgav jagen 2006, valla ettjin hávddebátsidisájt gávna. Muhtem diehtovadde subtsas hávdde le rabáduvvam ja bátsidisá gádoduvvam.

Gåsi gálmme gádoj? Le gus ajtu goassak læhkám gálmme Boatsoj-Pieranjárgan? Gåttij gus Tjáhppis-Ámmá Boatsoj-Pierav, ja duobbmidaláj gus Tjáhppis-Ámmá vierredagos diehti jus dal ajtu lij nav? Manen e ulmutja gudi idjadi Forsanjávren, idjaráfev oattjo?

Stáhtavuorká riektáprotokollajn åhtsåt, diehtovaddij ságastallat ja aj ietjá njálmálasj gáldoj baktu galggá Árran gæhttjalit jus le máhttelis subttsasav duodastit. Åtsådit mij le sádnes ja mij le duoddiduvvam ulmutjijs ájgij miehtáj? Gatjálvis le mij ajtu dáhpáduváj dåppe Forsanjávren?

Jårggålibme: Lars Theodor Kintel