Marianne Fagernes
Dán máno sábme - biehtsemánno
Biehtsemáno sábme le Mariann Fagernes, Ájluovtas. Sån le 19 jage vuoras ja dan gidá joarkkaskåvlåv ålli. Sån le låhkåm dábálasjfáhkasuorgen Knut Hamsun joarkkaskåvlån, mij le Hábmerin. Dan diehti gå maŋemus jagev joarkkaskåvlån låhkå, le sån dav ”russan” ávvudallam. Namálattjat ruoppsisrussan, russanamájn "Lykkelita".
Lokalavisa NordSaltenlokalavisa@nord-salten.no
Birgit Andersen
Subtsastallá buorre lij oanegav ierit skåvlås ja eksábmaj låhkåmis bessat. Buorre lij dåssju suohtastallat åvddål duodaj álggá eksábmaj rihtjat. Russaájge le sån tjoavddam russatjuolmajt dagu tjulestit avtav åhpådiddjev, tjåhkkåhit bievde vuolen ålles tijmav ja oasstet kássav vuollagijs kråvnåj avtatjij, ja aj russagáttsijnis russaæjvvalimen Harstad:an mannam.
- "Harmmat suohtas", giehttu Mariann. Moadda russa ja ållo suohtastallama.
Mariann le årrum årruhattjan dáv skåvllåjagev. Guokta vuostasj jage maneldij bussajn Ájluovtas juohkka biejve. Sån le årrum årruhasjgoaden njiellja ietjá næjtsoj ja avta báhtja siegen. Le læhkam riek buorre, ja sån le oadtjum moadda buorre rádna. Knut Hamsun joarkkaskåvllå le viehka unna skåvlåsj 100 oahppij. Valla Mariann le huoman oalle buoragit soaptsum.
- Ulmusj lagábut oahpástuvvá ulmutjijda ja diehtá gut juohkkahasj le, javllá sån.
Gå Mariann ij la skåvlån jalik eksámajt ájadalá, de la sån tjiektjamsaljon ja akti vahkkuj mánájt åhpat vuodjet.
Tjaktjaj jåhttå Fredrikstad:aj gånnå galggá álmmukallaskåvlån låhkåt. Dåppe tjiektjamsuorggáj álggá, ja dasi ållåsit ávvudallá.
Mariann ij rat diede majt boahtte ájge galggá dahkat. Álmmukallaskåvlå maŋŋela ájggu juojddá låhkågoahtet, valla ij ájn diede majt. Ájádallam le åhpådiddjeallaskåvllåj álgget, valla sujna le ájn jahke åvddål hæhttu mierredit dav. Boahtte ájge plánajda gullu aj buorre barggo, allasis goadev oasstet, válldut ja oadtjot njiellja máná... ;-)
Valla vuostak le giesseloahpe. De galggá vuojŋadallat, hávskudallat ja vuolgget roadtrip:aj muhtem rádnaj. Valla sån ájggu adjáj barggat.
Mij duv ávvudahttá?
- Divna muv ihkeva buorre rádna, fámillja ja diedon siessal Emil Tobias. Sån tjuovgudahttá iellemav.
Mij duv vájvet?
- Mån lav ållim skåvlås ja de galgav rádnajs jåhtet.
Gåktu le isetábnas?
- Sån le tjáhppisvuoptak ja buorre mielak.
Maŋutjissaj, man láhkáj sidá ietjat gåvvidit?
- Hm. Mån lav buorremielak næjtsso, valla duolla dálla lav iesjåjvak.
Eiendom
Stillinger
Aktiviteter
Bedrifter
Foreninger
Mest lest
Siste
Annonser
Chat
