Lokalavisa NordSalten
lokalavisa@nord-salten.no Maria Mikkelsen

Miriam Paulsen

Laila Susanne Vars

Annonse fra Steigen Vertshus AS

Kakebuffét

Les mer

Hver lørdag kl. 10-16 har vi kakebuffét til kr. 85,-. Velkommen!

Din annonse her? | Flere annonser

- Gájka vierttiji mujttádahteduvvat sámij pasientaj dárboj ja riektáj birra, aj Divtasvuodna suohkan, javllá Paulsen. Suv mielas máhttá Divtasvuodna varresvuoda -ja sosiálafálaldagáv sámijda nannit: - Iv mån vuojne makkirak vuojnos dåjmajt Divtasvuodna suohkanin. Buojkulvissan le Divtasvuonan læhkám ássje sáme varresvuodasenntera birra, mij ij la positivalattjat duostodum. Vuojnunagi le danen unna - jali ij makkirak - dádjadus mij guosská sáme pasientaj dárbojt.

Konferánsan lij vijdes åvdåstibme duola dagu filkkasuohkanijs, suohkanijs, Sámedikkes, varresvuoda –ja hukso depártementas ja sáme institusjåvnåjs. Divtasvuodna suohkanis lidjin avtses boahtám ságastalátjit sáme varresvuoda dilev. Da avtses lidjin bargge suohkana varresvuoda- ja sosiála åssudagás, dagu suohkandåktår Rolf Peder Tennebø ja varresvuoda- ja sosiálaoajvve Lill-Tove Hansen.

Ij la vánesvuohta

- Oassálastijma konferánsan åhpatjit ienep tiemá birra, javllá Rolf Tennebø. – Dát la vijdes ja gássjelis tiebmá gallegasj konkrehtalasj vásstádusáj. Le gássjelis dan diehti gå gávnnu moadda vuojno mij guosská gåktu bierri liehket, ja dajt bierri roaddat, javllá suohkandåktår.

Doajmmá gus duv mielas varresvuodadievnastus buorre láhkáj Divtasvuodna suohkanin sámij riektáj ja dárboj hárráj?

- Iv mån máhte vásstedit nuppe åssudagáj åvdås, valla dåktårij gaskan ep la oadtjum åvvånis avta gatjálvisáv dåktårdievnastusáv hiebadit dájt 2 ½ jagijt gå lav Divtasvuonan barggam, juogu de guosská guládallamij jali ietjá ássjijda. Dåktåra ælla åtsådallam makkirak vánesvuodav, juska dal dat ij sidá javllat muhtemij mielaj milta ij buoremus láhkáj dåjma.

Vuorddá ienep dåjmajt

NSR:a Miriam Paulsen vuorddá huoman ienep dåjmajt Divtasvuodna suohkanin, ja vuoset Divtasvuona sæbrramij sámegiela háldadusguovlluj. - Suohkan le oadtjum guovtegielakdoarjjagijt ma li binnát aneduvvam. Dájna hæhttu suohkan vijddásappot barggat, aj dajna mij guosská sáme pasientaj dárbojt.

- Suohkana sjáhtjali åvdåsvásstádusáv ierit

Dav javllá dåktårgráda stipenndiáhtta juridihka fakultehtan Råmså universitehtan, Laila Susanne Vars. Konferánsan sån lågådaláj sáme pásientaj riektáj birra almasjriektá hárráj. Vuosedij duola dagu ILO-konvensjåvnnåj nr. 169, árvvalus Nuorttarijkalasj Sámekonvensjånnåj ja Vuodoláhkaj §110a ma vaddi sierra åvdåsvásstádusáv aj Vuona stáhttaj.

-Gájkka ma gullu stáhta vuolláj galggá ILO-konvensjåvnåjt tjuovvot, dat vaddá åvdåsvásstádusáv aj suohkandássáj. Valla suohkana sjáhtjali åvdåsvásstádusáv ierit, ja vaddi hiejves tjielggidusájt gå konvensjåvnå e gåtseduvá.