Lokalavisa NordSalten
lokalavisa@nord-salten.no Birgit Andersen

Annonse fra Steigen Vertshus AS

Sulten?

Les mer

Ring 75 77 73 00 for bestilling av pizza, hamburger, biffsnadder og mer.

Din annonse her? | Flere annonser

Báhtjajn li guhtta tjiektjamjuohkusa; Måsske, Sisgiehtje, Tjieloabme, Davvegiehtje/Gállá, Bjørkvijkka ja Rudnávuodna. Næjttsotjiektjijs ællim nav moattes, ja siján lidjin njiellja juohkusa: Måsske, Sisgiehtje, Bjørkvijkka ja Davvegiehtje/Tjieloabme. Divna tjiektje tjiektjin juohkusin masi iehtja gullujin.

Bierjjedagá sjnjilltjamáno 20. biejve álgij cuhppa, ja hiejtij lávvodak iehkeda. Unnemusájn lidjin iehtjasa tjiektjamjuohkusa. Gålmmå sierra juohkusa; 0 – 8 jagágijda, 9 – 12 jagágijda ja 12 – 15 jagágijda. Dajn tjiektji báhtja ja næjtso aktan, ja juogaduvvin Sisgiehtje- ja Davvegiehtjejuohkusijda. Dálkke ij lim nav buorre, rássjudaláj. Berustiddje tjuodtjun danen dæhkko vuolen, ja ettjin tjuorvuda nav ålov dán jage gå åvdep jagijt li dahkam. Valla Tjieloabme-juohkusa bælostiddje galla tjuorvudin, ja sij lidjin dahkam sierra ”bannerav” nissunfinála aktijvuodan.

Kafean oattjojma biebmojt oasstet. Dasi aj ulmutja mannin jus goallujin. Gå iehkeduváj dållijin stuorra låvdågoaden, ja ulmutja dåhku tjåhkanin. Lars Andreassenin lij gitára ma?en, ja lávloj lávllagav ”Dålusj giessesijdda” ja ”Biegga”. Bieggalávllagin lij aj tjåttålávla, mij lij riek ”tøffa”. Le oalle hávsske stuorlåvdagoaden tjåhkudallat. Nav hávsske le tjåhkudallat danna ja gehtjadit gå dållå gærssul, gehtjadit ulmutjijda, ja gulldalit gå lávludi ja subtsastalli. Gullu dagu sijdan. Oattjojma aj káfav ja sáftav juhkat ja sáme gáhkov ja berunlastajt bårråt.

Finála tjadáduvvin lávvodagá gietja bájken iehkedis. Vuostasj nissunfinála Tjieloame/Davvegietje ja Måske gaskan. Tjieloabme/Davvegiehtje vuojtij 6-1 Måske badjel. Tjieloamegij/Davvegietjegij Aina Olsen njiellji viermev dejvaj, Maila Viljakainen akti ja Rachel Nergård akti. Måskegij åvdås gis Therese Mikkelsen akti.

Ålmmåj finálan tjiektjin Bjørkvijkagij ja Rudnávuonagij tjiektjamjuohkusa. Rudnávuonaga vuojttin 3-1, guovtijn målajn Tommy Solstrømas ja avtajn målajn Jahn Sigve Andersenis. Lars Filip Paulsen Bjørkvijka åvdås akti viermev dejvaj, valla ettjin galla vuojtov oattjo.

Aina Olsen dejvaj viermev ienemusát nissunijs, 11 bále, ja ålmmåjs Jack Eivind Paulsen, 7 bále.

Dán jage guddneduváj Aina Olsenav nissunij buoremus tjiektjen, ja Jahn Sigve Andersenav ålmmåj buoremus tjiektjen. Tjiektjamjuohkusa lidjin iehtja oajvvadam avtav tjiektjev, gå de galggin merustallat dán jagásj tjiektjijt. Fair Play-vuojtov oadjun nissunjuogos Bjørkvijkas ja ålmåjjuogos Davvegietjes/ Gállás. Guddneduvvin dán jagásj åvddågåvvån.

Duodden tjiektjamijda ja hávsskudallam dållågátten lijdin ásadiddje luojkkam ståhkusav, ”gahppamlanev” mánájda. Dasi máná lijkkujin, ja álu lidjin dåppe.

Båhtusa dán jagásj Hellmocuhpas sjaddin náv:

Nissuna:

1. Tjieloabme/Davvegiehtje
2. Måsske
3. Sisgiehtje
4. Bjørkvijkka

Ålmmå:

1. Rudnávuodna
2. Bjørkvijkka
3. Davvegiehtje/Gállá
4. Sisgiehtje
5. Måsske
6. Tjieloabme

Vuorbbe dán jagásj vuojttijda!