Lokalavisa NordSalten
lokalavisa@nord-salten.no Kristoffer Thomasson, Sanna-Marja Utsi, Markus Thonhaugen, Johanna Huuva ja Odd-Levi Paulsen

Annonse fra Steigen Vertshus AS

Kakebuffét

Les mer

Hver lørdag kl. 10-16 har vi kakebuffét til kr. 85,-. Velkommen!

Din annonse her? | Flere annonser

Bierjjedakiehkeda æjvvalijma gasska-biejvev båråtjit Rica Ishavshotellan Romsån, gånnå divna galggin idjadit ja bårråt. Geldulasj lij daj nuppij nuoraj æjvvalit, gæhttjat guhtimuttja galggin lanjáv juohket ja gej siegen galgajma ålles ájllegav liehket. Miján lidjin biejvvelåttåtja tjoajven gå vuolgijma Nuorttarijkaj Parijssaj. Ávot lidjin oalle buorre ulmutja! :) Oahpástuvájma ja ságastijma gasskabiejvev bårådijn, ja dan ma??ela manájma Svenn-Egil Knutsena Arppa Sáme Duodje Gallerijaj. Ávvudallama lidjin suv 40 jage bæjvváj huodnahin Arppa guoran, gånnå dájda dájddarijs gå Hans Ragnar Mathisen, Gerd Grimsø, Marry A. Somby, Bruce Morén ja Tonje Valen vuosádallá. Sihtap aj sávvat Svenn-Egilij vuorbev riegádimbæjvváj ja ávttjip dijáv guossidittjat suv gallerijav danna Romsån. Gå lijma Arpav guossidam, manájma ietjá sáme nuoraj lunna Romsån ja dåbdijdijma Romså stádaj.

Lávvodagá smaredijma måjonjálmijn ja aktan båråjma njálga idedisbiebmov. De vuolgijma tjåhkanimladnjaj ságastalátjit Infonuora Internæhttabielij birra. Miján lidjin ållo ájádusá man láhkáj le máhttelis dajt bielijt buoredit. Mijá mielas Infonuorra le buorre Internæhttabiele, gånnå le máhttelis æjvvalit ietjá sáme nuoraj ålles Sámes. Sávvap nav moattes gå máhttelis adnegåhti Infonuora bielijt juohkka biejve. Ep dálla subtsasta majt galggap divudit, galla le alvadahtte! :) Keep looking at our page! Muhtem tijma ja ållo bargo ma??ela, båråjma aktan, ja de manájma shoppitjit ja stádaj oahpásmuvátjit. Muhtemij dahko lij gávnnat majt galgajma lávvodakiehkedav dahkat. Åvddålå iehkeduváj, manájma ruoptus hotellaj ja ållijma dán ájllega bargov. Gehtjadijma majt lijma ságastallam dan biejve. Bargajma gitta bielle giehtjaj, ja de manájma båråtjit ja «Kill Buljo»-filmav gehtjatjit. Dan iehkeda iejvvijma dåbdos ulmutjijt hotellan. Ålgus manádijn iejvvijma Jenny Heimfjellav Idol:as. Sån lij vuosádussaj hárjjidallamin. Ja ajtu danna guoran tjåhkkåhij Frank A. Olsen Honningsvågrevy:as ja Kill Buljo-filmas. Buorre lij dat! :) Tjabu autográfajt oattjojma aj! Hehe!

Mijá mielas lip oahppam ålov, ja lip aj oahpástuvvam ietjá sáme nuorajda. Mij lip iehtjama ájádusájt Infonuorra birra åvdedam, ja diedon hávskudallam riek buoragijt dán manon! Sihtap gijttet Sara Israelssonav ja Infonuorav dát bále åvdås!

Jårggålibme: Birgit Andersen