Lokalavisa NordSalten
lokalavisa@nord-salten.no Kitty Skapalen/Idar Kintel

Mikal Urheim lågådaláj oahppijda.

Annonse fra Steigen Vertshus AS

Kakebuffét

Les mer

Hver lørdag kl. 10-16 har vi kakebuffét til kr. 85,-. Velkommen!

Din annonse her? | Flere annonser

Oahppe VG1”an li válljim Luonndoiellem 1 aktan dábálasj oahppogárvedime prográmmafágaj. Åhpadus le juogedum 5 modulajda, gånnå akta dajs le sáme luonndoiellem. Kursan oahppe galggi máhtudagáv sáme kultuvra ja árbbedábij birra oadtjot.

- Lij riek geldulasj, javllá Sunniva Svendsen Stájgos. - Åhpajma ålov sáme kultuvra birra ja sierraláhkáj skåjvvesubttsasa lidjin geldulattja, javllá sån.

Histåvrrå ja luonndofilosofija

Skåvllåjage álgon 19 skåvlå oahppijs oassálasstin. Vuossajn ja várrebiktasij lidjin gærggasa biejvijda váren, gånnå sáme histåvrrå ja luonndofilosofija birra oahppat galggin. Vuostatjin ganugin Árran julevsáme guovdátjin gånnå oadtjin lågådallamav ja vuosádallamav. Dan maññela manno manáj Oarjjevuonav sisi Vuodnabahtaj, gånnå Mikal Urheim lågådij histåvrålasj ressurssaháldadime ja mytologija birra. Urheim aj oahppijda tjielggij gåktu jáhtto vájkkudahttá háldadimájádusájt sáme vuojnon.

Bierggim luondon

Sieralágásj ávkálasj mátto oahppijda lij oahppat daj moattelágásj dållåtjerdaj birra ma aneduvvi, duon dán dálkken ja luondon. Åhpadusá åhpadiddje, Bård Løding, dættot oahppijda sjattaj giehpebujt gå nievres dálkken låvddågoadev buktin tsieggit, ja luondos ressursajt viedtjat váj máhtti rijbbat váni nav ålov guoddemis. Gáhkkijin ja suojnijt suoddin. Juogos Biehtslåptgámán ja låvddågådijn idjadin.

- Gábmá lej buoremus, dan diehti gå danna dållijma ja besajma goajkudimev låvdas, javllá nubbe oahppijs.

Vádtsem julevsáme guovddaguovlon

Vádtsem álgij Vuodnabadán, Kanåvnnåj ja vijdábujt svieriga bælláj vádtsin. Tjoahkkáj vádtsin 40 km, mav nágin oahppij mielas lij hálvva oadne!

Tæksta: Kitty Skapalen

Jårggålibme: Idar Kintel