Lokalavisa NordSalten
lokalavisa@nord-salten.no Børge Strandskog/Maria Sunná Mikkelsen

Annonse fra Steigen Vertshus AS

Kakebuffét

Les mer

Hver lørdag kl. 10-16 har vi kakebuffét til kr. 85,-. Velkommen!

Din annonse her? | Flere annonser

Mañemus 2-3 jagijt le Karl Gunnar Mikkelsen birrusin 40  sávtsaj barggam. Valla dálla ij desti visjá.

- Ij desti lijssi, jus riekta de la ållu dåssje. Dijmmá 66 lippatjijt guohtomij luojtijma, ja 26 dajs gáhtun. Jiervva la suddár, javllá Mikkelsen.

Mikkelsen le guohtomednamijt sihke Måsken, Basudisán ja Smájlen adnám. - Basudisán le dåssju nágin juhtusijda sadje, ja Smájlen ejma desti besa guododit. Dat la aj sivvan læhkám gå hiejttet mierrediv, valla ájnnasamos la jierva håhkkidime læhkam. Åvdep jage láhpijma 25 lippa guohtomin Ruossavákke vuollelin, ja guokta gáhtun gådij badjelin Måsken. Ja ep mij báhtsudisájt gávna jusska mælggadav åhtsåp, mij la dábálasj  gå la jiervva mij bårrå. Dat skultik báhtsudisájt tjiehká, javllá Mikkelsen, gut miejnni diehtet le læhkám, ja ájn le, moadda jierva dajn dáfujn. Li moadda, moadda jage dat rájes gå åvdep bále jiervva dánna vuohttjuj. - Iv jáhke Jiervva-Pedera biejvij rájes la dáhpáduvvam, ja dan rájes le mælggat, subtsas Karl Gunnar Mikkelsen (Peder Mikkelsen Vuodnabadás gåhtjoduváj Jiervva-Pederin).

Måske mañemus sávttsabåndora mielas la oajválattjajn nievres urudispolitihkka.

- Juoga le boasstot gå berustibme urudisájs le ájnnasabbo gå  máhttelisvuoda æládusájt rabddaguovlojn dåjmadit. Oajválattja duobbmiji årrombájkijt dan láhkáj. Ja majt jiervva dálla bårråt galggá? Soajttá fylkkasuohkan soames sávtsagårodijt buktá diehki giesen...

Dávvervuorkká jådediddje Árranin, Lars Børge Mykelvoll, subtsas gávnnu indikásjåvnå biebbmojudosguohtomijs juo 900-jagij rájes. -  Diehtep Måsken  li  årrum ulmutja jagev tjadá 1700-jagij rájes, valla jáhkket le læhkám jáhpedoajmma ja biebbmojudosa Måsken moadda tjuode jage dás åvddåla. Danen la viek guhka árbbedáhpe mij hiejteduváj gå Karl Gunnar sávtsajt ierit rájaj, duodas Myklevold.