Lokalavisa NordSalten
lokalavisa@nord-salten.no Kitty Skapalen/Lill-Tove Paulsen

opplevelse

Vestfjordseilasen

Norges nest største seilas, fra Nordskot i Steigen og tvers over Vestfjorden til Kabelvåg.

Les mer

Din opplevelse her? | Flere opplevelser

Inga Lill Mikkelsen, Andreas Mikkelsen ja Lars Theodor Kintel, divna gålmås Ájluovtas Divtasvuonan. Sihti giehttot duola dagu sámehiståvrå birra, ja oadtjum li 235 000 Nordlanda Fylkkasuohkanis majna galggi tjadádit åvddånahttemprosjevtav “ Samiske naturopplevelser i Tysfjord”. Sámedigge l aj rudáj doarjodam.

Luonndovásádusá

Viddnudagán li gålmmå doajmmatjerda. Várreoahpestibme sáme kultuvra, birrasa ja histåvrå birra. Dánna doalvvu ulmutjijt várijda nav vaj máhtti idjadit gámájn ja låvdågådijn. – Mij ietja biebmojt russtip tuvrajn ja luojggam lip ideav indianarijs fállat “vision quests”. Dánna bessi turista galluga årudit jus ietja sihti. –Ietja dahki majt hálidi, ja dan båttå máhtá buorebut ietjadijn oahpástuvvat, javllá Inga Lill. Nubbe fálaldahka l lájddit ulmutjijt Råggejávrerájge tjadá mij la Måske lahka. Galggi 6-8 persjåvnå ájgen duolvvot, ja vierttiji 3 oahpesdiddje vissesvuoda diehti. Dájt biejvijt tjadádi “internt klatrekurs” mij prosjæktaj gullu. Goalmát fálaldahka l guohtsat Stáddátjåhkkåj, násjonalvárráj. Ådå fálaldagá båhti mańenagi gå muddo l. Nuorajn li aj ájádusá oasstet vanntsav majna turistajt Vuonav sisi suvdatji.

- Mij sihtap fállat vásádusájt luondo baktu ja miejnniv miján la buorre máhtudahka majt amás oahpestiddjen ij gávna, javllá Lars Theodor Kintel Divtasvuonas, ja gut la bajás sjaddam dáppe. – Miján la ietjamijn filosofia ja diedo luondo birra, ja sihtap ietja dajna barggagoahtet åvdås iehtjáda ålggolis barggagåhti.

Viddnudahka barggá ietjá viddnudagáj vuosstáj oarjján ja rijkagasskajt, tysklándan ja Storbritanian. Bálkkim li tyska studentav mij galggá markedav guoradallat.

Guoradallat gáldojt

Divna gålmås li studenta. Inga Lill låhkå sámegielav Råmsån, Andreas låhkågoahtá “reiselivsstudium” Lillhammerin mij vihpá 3 jage ja Lars Theodor låhkå økonomiav Bodødjon.

Álgos sihtin ietjasijda giessebargov, valla usjudallagåhtin ja vuojnni dát vaddá sidjij bargov ålles jagev, valla árrat la ájn ilá ávudallat. Vuostatjin galggi dahkat “girjátjav” gånnå gáldojt ja guoradallamijt kulturmujtojs dát guovlos duodasti. Gávnnuji moadda subttsasa ma ælla tjáledum, ja dajna aj sihti juojddáv dahkat. Amuga de máhtti diedojt oadtjot dal dáj birra. – Dajna bargujn de vuodov ja álgov guoradallap dán guovlon, javllá Lars Theodor.

Sáme mannoæládusán la stuorra máhttelisvuohta

Oassálassti aktisasjbargguj ietjádij, duola dagu Nordland Turselskap. Sihti vijdedit dáv aktisasjvuodav, valla diehtep ij la álkke aktan daj barggat. Danen de ienemusát gæhttjali oasstijt åttjudit ietjas værmádagá baktu, ja juo li ságastam stivrajn Statoilan.

-Sáme mannoæládusán la stuorra máhttelisvuohta, javllá Andreas. –Sverigin riek buoragit manná, ja diehtep aj Mimir`s rapporta vuoset buorre máhttelisvuodav gåktu sámekultuvrav fállat turistajdi dáppe Nuortta Salton.

-Mj lip ållu gijttogisá gå lip rudájt oadtjum duon dán guovlos, ja sierraláhkáj la buorre vuojnnet gå nuorajdi jáhkki gudi gæhttjali ietjas barggosajijt dahkat, javllá Inga Lill. Sån vuojnná dán viddnudagá baktu lassán dádjadus gåktu luondov várjjalit. Luonndo ællá, ja dajna máhttep guládallat, javllá sån.

Tæksta: Kitty Skapalen

Jårggålibme: Lill-Tove Paulsen