Lokalavisa NordSalten
lokalavisa@nord-salten.no Birgit Andersen

næringsliv

Steigen Oljeservice AS

Infoside

Din bedrift her? | Flere bedrifter

Danna galgaj gålmån mánon oahppat spánskagielav, ja aj mávsodagá mánáj siegen barggat.

Elena vuostasj muossádibme Cabaretes lij sáddo, ållo tjuojka ja bivvasa. Amás råme tjuoggin ja vájvedin Vuona studentajt vuostasj vahkov, valla Elena dasi ruvva hárjjánij. Pálma, stráddu, mánnodihpe ja varás muorjema lidjin viehkken. Elena manáj 30 ietjá studentaj siegen, ja aktan årrun hotellan dan unna bájkátjin. Elena lij vuorbálasj ja "oattjoj ietjas familjav" aj, gen siegen álu lij. Skåvlån lidjin dárogielåhpådiddje ja åhpådiddje datga bájkes. Oahppin histåvråv ja girjálasjvuodav duodden spánskagiellaj. Elena mielas lij dát ájnas, gå ham galgaj oahppat ållu ådå gielav og årrot amás lándan.
Elena duov dáv dagáj, familjas siegen. Sijá baktu bargov oattjoj skåvlån ja
muossádij aj ednagav, duola dagu Værálda rámmátbiejvev, gå rájdon váttsij bájke manáj siegen. Oattjoj aj muossádit "graduationav" ja guossidit "public school-av". Elena ådå ulmutjijda oahpástuváj, ienemusát slumman, Callejonan, gånnå skåvllå la. Oattjoj ållo rádnajt ålles væráldis. Suv mielas lidjin riek hávsskes ulmutja Cabaretean. Gå sån lij scooterijn mannamin, tjuorvudin ulmutja sunji "Hola Elena!", jali dåssju "Elena!".
Buoragit Elena mujttá gå hotella biebbmodahkke sidáj sunji juojddá vaddet. Ráktsa lij, mij lij nav njálgge gadtsat juska lij moaodda váhko ålggorijkan læhkám. Elena ávttji nuorajt ålggorijkkaj manátjit, ållagasj å-lánndaj. Suv mielas la buorre ådå muossádimijt návddahit. Vuojnnet ietjá væráldav, gånnå divna ij la sammiláhkáj juohkka sajen. Vuojnnet ietjá kultuvrav, dagu dal goalmát væráldav.
Elena nubbe niehko aj guodtjasij. Surffit. Valla diedon vierttij aj låhkåt
eksámajda, tjálálasj ja njálmálasj eksámajda. Gå dajt lij tjadádam, buorre
árvvomihtoj, vuolgij biejves bájtádum næjttso sijddaj, javlav ávvudalátjit.

Sijdan, Vuonan.