Lokalavisa NordSalten
lokalavisa@nord-salten.no Kitty Skapalen/Lars Th. Kintel

Tor-Magne Berg

næringsliv

Nordnorsk Ferdigplen A/s

Infoside

Produserer ferdig plen for Nord-Norge

Din bedrift her? | Flere bedrifter

Åvddåulmusj ja prosjæktavásstediddje Tor Magne Berg le máhttsam suohkanij giellakonsulænntan. Sujna li buorre åtsådallama Kárásjjågås muodugasj bargos dåppe. Ságastallamgirjátjin li bágo, moallánahkko ja ságastallama dábálamos sujttodáhpádusájda varresvuoda- ja huksosuorgen. Ságastallama li aj cd:aj lågåduvvam. Girjásj le dagáduvvam váj sujttára galggi bessat sámegielagij sámástit, ja dan baktu de buorep huvsov vaddet.

- Gå ulmusj vuorastuvvá de álu iednegielastis buorebut mujttá gå vieresgielav, javllá Berg, ja dajna de vaddá pasiænntaj árvvogisvuodav iellema mañemus biejvij gå sunji sámás. Vuoras ulmutja má máhttsi ruoptus ietjasa iednegiellaj, ja vajálduhtti gielajt majt maññela li oahppam.

Duogásj

Bargo vuodon le Berga barggo Kárásjjågå suohkanin, gånnå li moadda dákkir kursa tjadádam. Suv mielas lij ájnas sujttárij siegen barggat vaj ienep máhtudagáv oadtju, ja nav de ságastallama sjaddin fágalattjat nav duolla gå máhttelis. Ienemusát lidjin 6-7 sujttára gudi dialogadahkamijda oassálasstin, ja dá rádjáj le sån 3 klássa åhpadam Kárásjjågån. Suomagielak ja dárogielak sujttára kursajda oassálasstin. Kursan oahppin bágojt jiednadit, bágojt låhkåt, ålles replihkajt låhkåt ja oahppin dábálasj ságastallamijt ålgolt váj álkkebut máhtti dajt sujttoaktijvuodan adnet.
- Buorre dårvujn májnodiv Divtasvuona suohkanav dákkir bargguj álgget, javllá sån.
- Vuorrasijda le nav vuogas ja hávsske gå sidjij sámásti.
Åvddåla le Berg suohkana giellaplánajn ja oahppogirjij Árranin barggam.

Giella medisijnnan

Mañenagi gå ulmusj vuorastuvvá de soajttá vieresgielav vajálduhttá ja iednegiellaj máhttsá. Ihkap giehpet dárojduhttemav ja dan vájkkudusá vájvijt gå pasientajda sámás. Gå sujttára pasientav berusti de pasienta aj buorre miellaj båhti. Návti vuorrasij duogátjav vieledip. Dán láhkáj pasientajda værddogisvuodav vaddet le buorre. Valla aj sujttárijda le dát prosæssa gånnå máhtti ietjasa giellamáhtudagáv vijdábut åvddånahttet. Suohkanin le aj ietjanis årrum sierra sáme varresvuodatærmmaprosjækta, majna galggi joarkket. Guokta sámegielak sujttára gudi libá sámegielaga galggaba iehtjádijt åhpadit.

Giella viessu gå gullu

Vuorrasa li hárjjánam sámástit. Berg rámmpu suohkanav árttasvuodas ja gå gielav åvddånahtti varresvuoda suorgen dán ålgusvaddema baktu. Dán bargguj li áttjak álgadam ja mañenagi máhttá dájna joarkket moatten ietjá suorgen. Danna le aj ulmusjlasj ja kultuvralasj bielle
-Giella le viehka ájnas varresvuodasuorgen, ja prosjækta vuorot gælvodimijt, javllá Berg.

-Galbbim le aj ájnas, ja buorre le gå giella vuojnnusij boahtá galbaj baktu. Dat iesjdåbdov nanni, ja guottojt rievddat ja gáttojt vuostelt. Galba li aj muhtem láhkáj giellabargge. Bessat gielastis vuojnnet almulasj sajijn ja institusjåvnåjn le viehka ájnas, danen gå sámegielav ij nav álu gulá ja ij ga rat tjáledum vuojne, javllá Tor-Magne Berg.

Inga Karlsen ja Evy Paulsen libá julevsáme ságastallamij barggam Kárásjjågå-vuoge milta ja Sander Andersen le tevstajt låhkåm sunnujn aktan.

Tæksta: Kitty Skapalen

Jårggålibme: Lars Th. Kintel