Lokalavisa NordSalten
lokalavisa@nord-salten.no PRÆSSADIEDÁDUS

Annonse fra Steigen Vertshus AS

Sulten?

Les mer

Ring 75 77 73 00 for bestilling av pizza, hamburger, biffsnadder og mer.

Din annonse her? | Flere annonser

Biejve prográmma le viehka moattelágásj dájddavuosádusájn, sárnnusijn, subtsastallambåttåjn, lávllagijn ja musihkajn ja diedon hålajn. Dá jage galggá Divtasvuona suohkanoajvve Anders Sæter muhtem bágo moalgget ájnas árvoj birra mijá moattekultuvralasj sebrudagán Nuortta-Sálton ma boanndodi ja majt lulujma suoddjit. Lars Magne Andreassen galggá åvddånbuktet ietjas ådå CD:av ”Bálges”. Håkon Amundsen sámij álmmuklávllagav lávllu. Råmså Universitehta professora Bjørg Evjen galggá sárnnot ” ”De sa ho bestemor var finn” – Ietjas sáme ájttegijt gávnnat” nammasasj sárnov. Ålmåjvákke duodjesiebrre vuoset hullo-vuosádusáv ja moattelágásj teknihkajt dagu bådnem, kárrim ja stuorsnjissjkom. Girjje ”Nordlands kulturelle mangfold. Etniske relasjoner i historisk perspektiv” aj almoduvvá.

Ájnnasamos ávvudallamin le gal tjåhkanit ja káfajn, gáhkoj ja njálga biebmojn hávsskudallat. Dá jage boahttsumállásav ja adámav málestip. Mij Árranin ávvudallap biejve berustime diehti – moaddása ávvudallamij oassálassti, ja maŋenagi moadda ásadusá mijá lahkaguovlon moatte láhkáj biejvev mierkkiji.

Ienep diedo ja dárkkelap prográmmav dáppe gávnnabihtit: www.arran.no.